Պենտագոնում փողերը սպառվnւմ են Իրանի հետ պшտերազմի պատճառով. WP

Պենտագոնն արագորեն ծախսում է իր բյուջեն Իրանի հետ պատերազմի պատճառով, որոշ առանցքային ծախսային հոդվածների միջոցները կարող են սպառվել մի քանի շաբաթվա ընթացքում։ Այս մասին հայտնել է The Washington Post (WP) թերթը։

Հրատարակության աղբյուրների տվյալներով՝ ԱՄՆ ռազմական գերատեսչությունը ստիպված է խնայել մարզումների վրա՝ մարտունակությունը պահպանելու համար։ Ամերիկյան ռազմածովային և ռազմաօդային ուժերն արդեն մինչև հուլիսի վերջը կարող են ծախսել 2026 թվականի բյուջեի շրջանակում մի շարք ծախսերի համար հատկացված միջոցները, գրում է WP-ն։ Նախորդ շաբաթների ընթացքում Պենտագոնը Կոնգրեսից թույլտվություն է խնդրել 4,3 միլիարդ դոլար վերաբաշխել մարզումներից և զենքի գնումներից դեպի ավելի հրատապ առաջնահերթությունների ֆինանսավորում և սպասում է պատասխանի։

Սպիտակ տունն ավելի վաղ ԱՄՆ Կոնգրես էր ուղարկել ռազմական գործողությունների ֆինանսավորման համար 67 միլիարդ դոլար շտապ հատկացման հարցում, հիշեցնում է թերթը։ Սակայն Ներկայացուցիչների պալատը մտադրված է հուլիսի 23-ին գնալ արձակուրդ, ինչի պատճառով գումար հատկացնելու մասին որոշման ընդունումը կհետաձգվի առնվազն մի քանի շաբաթով։ Եթե Կոնգրեսը հավանության չարժանացնի ֆինանսավորումը, ապա Պենտագոնը ստիպված կլինի դիմել «ավելի ցավոտ միջոցների», գրում է WP-ն։