Ըստ Արաղչիի՝ Թուրքիան մեծ դեր է ունեցել ԱՄՆ-Իրան պատերազմում
Իրանի արտաքին գործերի նախարար Աբբաս Արաղչին հայտարարել է, որ փետրվարի 28-ին մեկնարկած ԱՄՆ-Իսրայել հարձակումների ընթացքում Թուրքիան կանխել է Իրաքյան Քուրդիստանից սպասվող հնարավոր «ահաբեկչական սպառնալիքները»: Այս մասին հայտնում է ermenihaber.am-ը:
Հեռուստատեսային ծրագրերից մեկի ընթացքում Արաղչին անդրադարձել է պատերազմի, հրադադարի և բանակցային գործընթացներին՝ ընդգծելով դրանում Անկարայի դերը:
«Թուրքիան այս գործընթացում շատ արդյունավետ դերակատարում ունեցավ: Նրանք բանակցություններ վարեցին ամերիկացիների հետ և շատ ամուր դիրքորոշում ցուցաբերեցին: Այս հավաքական ջանքերի շնորհիվ Իրանը պառակտելու և ներքին երկպառակություն հրահրելու դավադրությունը ձախողվեց»:
Արաղչին նշել է, որ պատերազմի 4-րդ օրը, երբ ԱՄՆ նախագահ Դոնալդ Թրամփը կապ է հաստատել Իրաքյան Քուրդստանի որոշ ղեկավար շրջանակների հետ, ինքը հեռախոսազրույցներ է ունեցել Մասուդ Բարզանիի, Բաֆել Թալաբանիի, Թուրքիայի ԱԳ նախարար Հաքան Ֆիդանի և Իրաքի վարչապետ Մուհամմադ Շիա ալ-Սուդանիի հետ և անհրաժեշտ զգուշացումներ փոխանցել Իրաքին:
Հիշեցնենք, որ հարձակումների ընթացքում Թրամփը դժգոհություն էր հայտնել քրդական ուժերից՝ նշելով հետևյալը. «Քրդերը հիասթափեցրին ինձ»:
Հետևեք մեզ Viber-ում
