Հայտնի է, թե որքան գումար է վաստակել Իսպանիայի հավաքականը` ԱԱ-2026-ում տարած հաղթանակի շնորհիվ

Հուլիսի 19-ին Իսպանիայի և Արգենտինայի ազգային հավաքականները պարզեցին աշխարհի 2026 թվականի առաջնության հաղթողին։ Մրցաշարի վճռորոշ և գերլարված հանդիպումն ավարտվեց իսպանական թիմի հաղթանակով։

Աշխարհի առաջնության եզրափակիչն ընդունել էր ԱՄՆ-ի Նյու Ջերսի նահանգի Իսթ Ռեթերֆորդ քաղաքի «Մետլայֆ» մարզադաշտը։ Հանդիպման հիմնական 90 րոպեների ընթացքում մրցակիցներին այդպես էլ չհաջողվեց գրավել միմյանց դարպասը, ինչի արդյունքում պայքարը տեղափոխվեց լրացուցիչ ժամանակ։

Իսպանիային բաղձալի ոսկե մեդալները պարգևեց «Բարսելոնայի» հարձակվող Ֆերան Տորեսը։ Հանդիպման 106-րդ րոպեին նա անվրեպ օգտագործեց իր հնարավորությունն ու գնդակն ուղարկեց արգենտինացիների դարպասը՝ ձևակերպելով խաղի վերջնական հաշիվը՝ 1-0։

Այսպիսով, եզրափակիչում տարած պատմական հաղթանակի և չեմպիոնական տիտղոսի շնորհիվ իսպանացիներն իրենց ֆեդերացիային մեծ շահույթ բերեցին՝ 51 միլիոն դոլար պարգևավճարի տեսքով։ Մրցաշարի արծաթե մեդալակիր դարձած արգենտինացիները երկրորդ տեղի համար կստանան 34 միլիոն դոլար։

 
Աղբյուրը`ArmSport.am