ԱՄՆ-ն սկսել է Իրանի դեմ հարվածների նոր ալիք

ԱՄՆ Զինված ուժերի կենտրոնական հրամանատարությունը (CENTCOM) հայտարարել է Իրանի թիրախների դեմ ամերիկյան հարվածների նոր շարքի մեկնարկի մասին։

 «Այսօր ԱՄՆ զինված ուժերը սկսել են Իրանի դեմ հարվածների նոր ալիքը՝ արդեն հինգերորդ գիշերն անընդմեջ, որի նպատակն է թուլացնել Իրանի ռազմական ներուժը», — ասվում է CENTCOM-ի՝ X սոցիալական ցանցում հրապարակված հայտարարության մեջ։

 Թեհրանն ու Վաշինգտոնը հունիսի 18-ի գիշերը ստորագրել էին հուշագիր, որը նախատեսում էր ավարտել փետրվարի 28-ին սկսված հակամարտությունը։ Սակայն հուլիսի 8-ից ամերիկյան զինված ուժերը մի քանի շարք հարվածներ են հասցրել Իրանին։ CENTCOM-ը պնդում է, որ դրանք իրականացվել են ի պատասխան Իրանի գործողությունների, որոնք, ըստ Վաշինգտոնի, սպառնալիք էին ներկայացնում Օրմուզի նեղուցով անցնող առևտրային նավերի անվտանգությանը։

Իրանի զինված ուժերն էլ պատասխան հարվածներ են հասցրել Մերձավոր Արևելքի մի շարք երկրներում տեղակայված ամերիկյան ռազմաբազաներին։ Թեհրանը, իր հերթին, Վաշինգտոնին մեղադրել է ռազմական գործողությունների դադարեցման մասին հուշագիրը խախտելու մեջ։ ԱՄՆ նախագահ Դոնալդ Թրամփը հուլիսի 9-ին հայտարարել էր, որ հրադադարն այլևս ուժի մեջ չէ։