ԱՄՆ-ը կշարունակի hարձակումները, եթե Իրանը չվերադառնա բանակցությունների. Թրամփ
Ամերիկացի զինվորականները կշարունակեն հարվածներ հասցնել Իրանին առաջիկա օրերին և հաջորդ շաբաթ, եթե Իրանի ներկայացուցիչները չվերադառնան բանակցությունների սեղանի շուրջ։ Այս մասին հայտարարել է ԱՄՆ նախագահ Դոնալդ Թրամփը։
«Մենք հարվածելու ենք նրանց այսօր, վաղը, մյուս օրը և հաջորդ շաբաթ», – ասել է նա Fox News հեռուստաալիքին տված հարցազրույցում՝ հավելելով, որ հարվածները դադարեցնելու պայմանը Թեհրանի՝ բանակցությունների սեղանի շուրջ վերադառնալն է։
Թրամփը նաև նշել է, որ ԱՄՆ-ը պատրաստ է ոչնչացնել Իրանի բոլոր կամուրջներն ու էլեկտրակայանները, եթե Թեհրանը չհամաձայնի բանակցությունների։
«Հաջորդ շաբաթը շատ վատը կլինի նրանց համար, որովհետև հաջորդ շաբաթ հերթը կհասնի էլեկտրակայաններին, կամուրջներին։ Մենք շարքից կհանենք նրանց բոլոր էլեկտրակայանները, մենք շարքից կհանենք նրանց բոլոր կամուրջները, եթե նրանք չնստեն բանակցությունների սեղանի շուրջ», – ասել է նա:
Թրամփն ավելի վաղ հայտարարել էր, որ ԱՄՆ-ը կարող է նաև հարվածներ հասցնել Իրանի աղազերծման օբյեկտներին, եթե դա անհրաժեշտ համարի։
ԱՄՆ նախագահը հավելել է, որ Իրանը ԱՄՆ-ի դեմ պայքարում դրսևորում է մեծ բռնցքամարտիկներին բնորոշ որակներ, Իրանը պահպանում է պայքարելու կամքը՝ չնայած Վաշինգտոնի բազմաթիվ հարվածներին։
«Նրանք շատ ուժեղ թուլացած են, բայց նրանց մոտ մնում է դիմադրելու կամքը։ Դա մեծ բռնցքամարտիկի պես է. քեզ թվում է, որ հաղթել ես նրան, բայց հանկարծ նա վերադառնում է և հարված հասցնում քեզ»,- ասել է ԱՄՆ նախագահը:
Հետևեք մեզ Viber-ում
