Մի շարք թեկնածուներ շտապել են լքել հարազատ քաղաքական ուժի շարքերը․ «Իրավունք»
«Իրավունք» թերթը գրում է. «Ըստ «Իրավունք»-ին հասած լուրերի` խորհրդարանական ընտրություններին մասնակցած քաղաքական ուժերի շարքերում հետընտրական աժիոտաժ է: Սահմանադրական դատարանի հրապարակած որոշումից հետո, որ ընտրությունների արդյունքները մնում են անփոփոխ, մի շարք թեկնածուներ շտապել են լքել հարազատ քաղաքական ուժի շարքերը, ոմանք էլ նաեւ հեռացել են երկրից:
Ամեն մեկը ներկայացնում է իր պատճառաբանությունը՝ կիսատ թողած գործեր, առողջական խնդիրներ եւ այլն։ Սակայն, ըստ օդում կախված լուրերի, վերջիններս չեն հարմարվում իրենց տարած պարտության, անիմաստ ծախսված ահռելի գումարների կորստի եւ արդյունքում անտեսված լինելու մտքի հետ։
Ինչեւէ, յուրաքանչյուրի կամքն է՝ ապրել այնտեղ, որտեղ տաք է ու ապահով, սակայն մնում է մի կարեւոր հարց՝ տղե՛րք, բա ձեր պայքա՞րը, իբր երկրի փրկության համար, իբր անաչառ, իբր անմնացորդ եւ մշտատեւ, ո՞ւր մնաց»։
Հետևեք մեզ Viber-ում
