Մենք բոլորս տառաճանաչենք, կարող ենք այդ ամենը կարդալ.ինչու վիճեցին Փաշինյանն ու Շարմազանովը
«Չի լինելու մի հարց, որը մեր գործընկերները, զեկուցողները անպատասխան թողնեն: Մենք այստեղ չենք հավաքվել, որ թոզ փչենք ու գնանք: Հավաքվել ենք, որ մասնագիտական մակարդակով բոլոր հարցերին պատասխանենք: Դրա համար այստեղեն բոլոր կառույցների ներկայացուցիչները, որ պատասխանեն ներկաների հարցերին:Ստեփան Մնացականյանը ոչ թե զեկոցող է, այլ հաղորդում ներկայացնող, դրա համար էլ նրան հարցեր տալու հնարավորություն չի նախատեսվել »,-ԱԺ-ում «Առանձին ապրանքատեսակների գների բարձրացման պատճառները եւ գնաճը մեղմելու հնարավորությունները» թեմայով խորհրդարանական լսումների մեկնարկաին հայտարարեց ԱԺ փոխնախագահ Էդուարդ Շարմազանովը: Հիշեցնենք,որ «Ելք» խմբակցության ղեկավար Նիկոլ Փաշինյանը հայտարարել էր, որ լսումների ժամանակ հնարավորություն չի տրվելու հարցեր ուղղել Ազգային վիճակագրական ծառայության պետ Ստեփան Մնացականյանին:
«Եթե հարցեր չենք տալու, նրա ներկայությունն ընդհանրապես անիմաստ է, որովհետեւ վիճակագրուական բոլոր թվերը հրապարակված են: Մենք բոլորս տառաճանաչենք, կարող ենք այդ ամենը կարդալ»,հայտարարեց Փաշինյանը:
«Ծառուկյան» խմբակցության քարտուղար Վահէ Էնֆիաջյանը նշեց, որ անընդունելի է նման կերպ սկսել լսումները, քանի որ այստեղ իրենց նպատակն է վեր հանել թանկացումների պատճառները եւ լուծումներ գտնել:
Հետևեք մեզ Viber-ում
