ՄԻԵԴ-ը վարույթ է ընդունել Հայկ Կյուրեղյանին բաժնում ծեծի ենթարկելու գործով գանգատը

ՄԻԵԴ-ը 2017 թվականի դեկտեմբերի 8-ին վարույթ է ընդունել Հայկ Կյուրեղյանին ոստիկանական բաժնում ծեծի ենթարկելու գործով ներկայացված գանգատը: Գանգատը ՄԻԵԴ է ներկայացվել փաստաբաններ Լուսինե Սահակյանի, Վահե Գրիգորյանի եւ Երվանդ Վարոսյանի կողմից՝ 2015 թվականի դեկտեմբերին, որով պահանջվում է ճանաչել Հայաստանի կողմից Հայկ Կյուրեղյանի՝ ՄԻԵԿ 3-րդ հոդվածով նախատեսված իրավունքների խախտման փաստը: Այս մասին մեր զրույցում ասաց փաստաբան Երվանդ Վարոսյանը: Հիշեցնենք, որ 2014 թվականի հունիսի 12-ին Կենտրոն եւ Նորք-Մարաշ վարչական շրջանների ընդհանուր իրավասության դատարանի դիմաց, որտեղ պետք է մեկնարկեր Շանթ Հարությունյանի եւ մյուսների վերաբերյալ քրեական գործով դատական նիստերը, Հայկ Կյուրեղյանը բարձրացել էր կայանած ավտոմեքենաներից մեկի տանիքին ու օդամղիչ ատրճանակով կրակոցներ արձակել, որից անմիջապես հետո ձերբակալվել էր ոստիկանների կողմից ու տեղափոխվել ոստիկանության Կենտրոնականի բաժին: Հայկ Կյուրեղյանը պնդում էր, որ մինչ ոստիկանության Կենտրոնականի բաժին բերվելը, ոստիկանության ավտոմեքենայում գտնվող ոստիկանները, 4 կամ 5 հոգով ձեռքերով հարվածներ են հասցրել իրեն, երբ ձեռնաշղթաներով գամված, անօգնական վիճակում է գտնվել: Այնուհետեւ, նրա պնդմամբ՝ արդեն ոստիկանության Կենտրոնականի բաժնում գտնվող աշխատասենյակներում եւս տարբեր ոստիկաններ բռնություն են գործադրել իր նկատմամբ: Հոդվածն ամբողջությամբ կարդացեք «Հայկական ժամանակ» օրաթերթի այսօրվա համարում