Լավ եք ապրելու.Բեգլարյանի եղբայրն է խոստանում

«Պետք է մեր տնտեսությունը զարգացնենք, ժողովուրդը պետք է լավ ապրի Մեր  կուսակցությունն «ամեն ինչ անելու է, որպեսզի բոլոր ճգնաժամերից դուրս գանք»,ԱԺ-ում լրագրողներին վստահեցրեց  ՀՀԿ-ական պատգամավոր Հակոբ Բեգլարյանի`Երեւանի նախկին քաղաքապետ Գագիկ Բեգլարյանի եղբայրը: Հարցին,թե  ինչո՞ւ իշխող ՀՀԿ-ի մոտ չի ստացվում մշակել ճիշտ քաղաքականություն եւ դուրս բերել հասարակությանը ճգնաժամից, Հակոբ Բեգլարյանը հակադարձեց. «Շատ լավ էլ, ամեն ինչ էլ արվում է»։ Այդ դեպքում ինչո՞ւ է ժողովուրդը դժգոհ: «Դժգոհություն ամեն տեղ կա, եւ մեզ մոտ, եւ ավելի զարգացած երկրներում»,- եզրափակեց ՀՀԿ-ական պատգամավորը։