Ես առաջարկում եմ, որ ԱՎԾ պետը գնա իրա գործերին. Նիկոլ Փաշինյան
Այժմ խորհրդարանում ընթանում է առանձին ապրանքատեսակների թանկացման վերաբերյալ խորհրդարանական լսումներ: Սկզբում Խոսրով Հարությունանը ներկայացրեց աշխատանքային ընթացքը և այն մարդկանց, ովքեր պետք է ելույթ ունենան և նրանց հարցեր ուղղեն: Նրանց մեջ ԱՎԾ պետ Ստեփան Մնացականյանը չկար և Ելք խմբակցության ղեկավար Նիկոլ Փաշինյանը հետաքրքրվեց, թե ինչու նրան հարցեր չի ուղղվելու: Փաշինյանը նկատեց, թե այդ դեպքում ԱՎԾ պետը կարող է գնալ իր գործերին: Խոսրով Հարությունյանը պատասխանեց, որ հարկ չկա ԱՎԾ պետին ներքաշել քաղաքական բանավեճերի մեջ։ «ԱՎԾ պետը հաղորդմամբ է հանդես գալու և ոչ թե զեկույցով։ Օրենսդրությամբ Վիճակագրական ծառայությունը չի կարող ներքաշվել քաղաքական բանավեճի մեջ։ ԱՎԾ-ն կարող է ներկայացնել մեթոդաբանությունը, նրա ելույթը բացառապես տեղեկատվական է, նրան ներքաշելը քաղաքական դեբատների մեջ օրենսդրությամբ արգելված է», - հայտարարեց Հարությունյանը։ «Ստեղծված իրավիճակը բխում է ԱՎԾ զեկույցներից: Եթե հարց պիտի չտանք... այդ դեպքում ես առաջարկում եմ, որ ԱՎԾ պետը գնա իր գործերին, որովհետև իրենց զեկույցները հրապարակվել են, մենք կարդացել ենք, բոլորը տառաճանաչ են»,-հայտարարեց Փաշինյանը: Խոսրով Հարությունյանը կրկնեց նույնը: Բանավեճին միջամտեց ԱԺ Հանրապետական խմբակցության ղեկավար Վահրամ Բաղդասարյանը և հորդորեց կրքեր չբորբոքել։
Հետևեք մեզ Viber-ում
