Իրավապահները կպարզեն՝ կապ կա՞ 10 օրական եւ նույն ընտանիքի 1 տարեկան երեխաների մահվան մեջ

Գեղարքունիքի մարզի Մադինա համայնքում մահացած 10 օրական փոքրիկի մահվան պատճառների մասին պաշտոնապես հնարավոր կլինի խոսել 30-50 օր հետո միայն, երբ արդեն հայտնի լինի դատաբժշկական փորձաքննության եզրակացությունը: Հայկական ժամանակի  հետ զրույցում այս մասին ասաց Գեղարքունիքի մարզպետարանի առողջապահության եւ սոցիալական ապահովության վարչության պետ Անուշ Պողոսյանը՝ ընդգծելով, որ գործն իրավապահ համակարգում է, եւ հետեւաբար արդեն դուրս է իր իրավասությունների շրջանակից: Առայժմ հայտնվում ու շրջանառվում են փոքրիկի մահվան տարբեր վարկածներ: Նշվում է, որ ըստ նախնական տեղեկությունների, երեխայի մահվան պատճառը թոքաբորբն է եղել: Նշվում է նաեւ, որ ժամանակին՝ մեկ տարեկան հասակում, մահացել է նրա ծնողների եւս մեկ երեխան: Վարչության պետն ասաց, որ թոքաբորբի մասին տեղեկություն չունի, իսկ եւս մեկ երեխայի մահվան վերաբերյալ լուրը իրեն նույնպես հայտնի է: Անուշ Պողոսյանը փոխանցեց, որ դատական բժշկի խոսքով, անդրադառալու են նաեւ նախորդ երեխայի մահվան գործին, համադրելու են երկու երեխաների մահվան հանգամանքները՝ պարզելու համար, թե դրանց միջեւ կան արդյոք ընդհանրություններ կամ գենետիկ պատճառներ: Մադինայի նորածին բնակիչը մահացել է հունվարի 19-ին: Առավոտյան, երբ գյուղի ամբուլատորիայի հերթապահ բժիշկների խումբը կանչով մեկնել է համապաստախան հասցե, 10 օրական տղան արդեն անշչացած է եղել: