Շրի Լանկայի բանտում բախումների ժամանակ առնվազն 25 մարդ է զոհվել
Առնվազն 25 մարդ է զոհվել, մոտ 100-ը՝ վիրավորվել Շրի Լանկայի արևմտյան Նեգոմբո քաղաքի բանտում բախումների հետևանքով: Ինչպես հաղորդում է «Արմենպրես»-ը, այդ մասին լրագրողներին հայտնել են Շրի Լանկայի ոստիկանությունում։
Իրավապահ մարմինների տվյալներով՝ բանտում անկարգությունները տեղի են ունեցել հուլիսի 6-ի առավոտյան՝ մի քանի ժամ անց այն բանից հետո, երբ իշխանություններին հաջողվել էր վերահսկողության տակ վերցնել բանտարկյալների միջև ծագած բախումները։
Հայտնի չէ, թե ինչն է հրահրել բախումներ։ Հաղորդվում է, որ սա վերջին հինգ տարվա ընթացքում Շրի Լանկայի բանտերում գրանցված ամենաարյունալի բախումն է։
«Զինվորականներին խնդրել են աջակցություն ցուցաբերել ոստիկանությանը, սակայն ներկայում նրանք գտնվում են սպասողական ռեժիմում», – Reuters-ին հայտնել է բանակի խոսնակ Վարունա Գամագեն։
Զոհվածների թվում են պատժիչ ծառայության առնվազն չորս աշխատակից և չորս կալանավոր։ Մնացած զոհերի ինքնությունը պարզվում է:
AFP-ին հիվանդանոցից, ուր տեղափոխվել են վիրավորները, հայտնել են, որ տուժածների մի մասն ունեն հրազենային վնասվածքներ, մյուսները՝ կտրվածքներ ու կապտուկներ։
Հետևեք մեզ Viber-ում
