«Բացի Չարլզին Թուրքիա ուղարկելուց ի՞նչ է արել Արմեն Սարգսյանը»
«Ճանաչելով նրան համատեղ աշխատանքից և համեմատելով մյուս թեկնածուների արժանիքների հետ՝ ես դրական եմ վերաբերվում Արմեն Սարգսյանի թեկնածությանը»,- «Հայելի» ակումբի այսօրվա ասուլիսում ասաց Արմեն Նավասարդյանը՝ անդրադառնալով վերջերս ամենաքննարկվող հարցին, հավելելով, որ այն հնարավորությունները, ինչը ունի նախագահի այս թեկնածուն՝ ոչ ոք չունի Հայաստանում: «Մի բան է լինել Չարլզի բարեկամ և միասին սուրճ խմել, թագուհու հետ հանդիպումներ ունենալ, որպես Արմեն Սարգսյան՝ թեկուզ դեսպանի մակարդակով, բոլորովին այլ է այդ հարաբերությունները տեղափոխել նախագահական հարթություն, ինչը կտա ավելի օպտիմալ հնարավորություններ»: Բանախոսը նշեց, որ նոր սահմանադրությամբ նախագահի լիազորությունները խիստ սահմանափակված են հավելելով՝ «Եթե նա չփոփոխված սահմանադրության պայմաններում դառնար նախագահ, ապա լավ նախագահ չէր կարող լինել, որովհետև ներքաղաքականությունը մի բան է, արտաքինը՝ այլ»: Հ.Գ. Այս դեպքում հարց է առաջանում՝ բացի Չարլզին Թուրքիա ուղարկելուց ի՞նչ է արել Արմեն Սարգսյանը: Քրիստինե Աղաբեկյան
Հետևեք մեզ Viber-ում
