Նեթանյահուն հայտարարել է, որ ԱՄՆ-ի և Իսրայելի միջև տարաձայնություններ չկան
Իսրայելի վարչապետ Բենիամին Նեթանյահուն հայտարարել է, որ Իսրայելի կառավարության և Վաշինգտոնի վարչակազմի միջև քաղաքական հարցերի, այդ թվում՝ Իրանի վերաբերյալ տարաձայնություններ չկան։ Այս մասին վերջինս ասել է Fox News-ի եթերում։
«Ես չեմ կարծում, որ տարբերություններ կան», – ասել է նա: «Ամերիկան մեզ անվանել է օրինակելի դաշնակիցներ, քանի որ, ի տարբերություն ձեր շատ այսպես կոչված դաշնակիցների, մենք իրականում կռվում ենք ձեզ հետ կողք կողքի», – ընդգծել է նա։
«Կարծում եմ՝ իրական հարցն այն է, թե արդյոք Իրանի վերաբերյալ մեր նպատակները տարբերվում են: Եվ պատասխանը «ոչ» է», – հավելել է Նեթանյահուն: «Մենք ունենք ընդհանուր նպատակներ: Մենք ուզում ենք, որ Իրանը հրաժարվի իր միջուկային զենքի ծրագրից: Մենք ուզում ենք, որ հարստացված նյութը հեռացվի Իրանից: Մենք ուզում ենք, որ ուրանի հարստացման օբյեկտները քանդվեն: Մենք ունենք նաև այլ ընդհանուր նպատակներ»:
Հետևեք մեզ Viber-ում
