Ի՞նչ օրինաչափությամբ են պաշտոնների առաջադրվում․ «Փաստ»

«Փաստ» թերթը գրում է. «Ուրեմն, մինչ ՍԴ-ում վիճարկվում էին հունիսի 7-ի ընտրությունների արդյունքները, մինչ ընդդիմության ներկայացուցիչները քարը քարի վրա չէին թողնում Բարձր դատարանում, Նիկոլ Փաշինյանն ու ՔՊ-ն արդեն պաշտոններ էին բաժանում: Կներեք, որ իշխանության միջանցքներում դեֆիցիտ բառ գործածենք, բայց տարրական պարկեշտությունը հուշում է, որ նախ՝ պետք էր սպասել ՍԴ որոշմանը:

Չնայած, ում մասին կամ ում ենք սա ասում: Նիկոլ Փաշինյանը, երբ դեռ քվեարկության արդյունքների հազիվ 10-20 տոկոսն էր հայտնի, կեսգիշերից քիչ անց ելավ ու իրեն հաղթած հռչակեց: Ըստ երևույթին, հիմա էլ նույն սկզբունքն է գործում, այսինքն՝ երևի վստահ է, որ ՍԴ-ն, ԿԸՀ-ի պես, իր ուզածով է շարժվելու (Սահմանադրական դատարանի որոշ դատավորներ, կարծում ենք, պետք է որ վիրավորական համարեն Փաշինյանի նման կարծիքը, բայց վերջինիս պահվածքը հենց նման վերաբերմունքի մասին է խոսում)։ Կամ պարզապես ուզում է ցույց տալ, թե ինքն այնքան վստահ է ընտրությունների «փառահեղ» ընթացքի վրա, որ ՍԴ որոշմանը սպասելու կարիք չունի:

Բայց սա էլ դեռ մի կողմ: Պաշտոնների թեկնածուներ են «ընտրում», թող «ընտրեն»: Ի վերջո, հանրության համար բացարձակ էական չէ՝ որ պաշտոնում որ քպականը կնշանակվի: Այնտեղ ամեն ինչ որոշում է մեկ մարդ: Բայց այստեղ այլ՝ ոչ պակաս էական հանգամանք կա, որին արժե ուշադրություն դարձնել:

Ի մասնավորի, երբ փորձում ես հասկանալ, թե ի՞նչ արժանիքների համար են այսինչին որոշել ԱԺ նախագահի կամ փոխնախագահի աթոռին նստեցնել, կամ այլ պաշտոնի նշանակել, ակնհայտ են դառնում որոշակի օրինաչափություններ, որոնցով առաջնորդվում է Նիկոլ Փաշինյանը: Ճիշտ է, նախօրեին նա դեմքի գրեթե անկեղծ արտահայտությամբ (քիչ էր մնում՝ հավատայինք) համոզում էր, թե այդ առաջադրումների և «ընտրությունների» հետ ինքը կապ չունի, ավելին՝ նույնիսկ տեղյակ էլ չի լինում, թե ովքեր են առաջադրվում, քննարկմանն էլ պարզապես մասնակցում է որպես լուռ դիտորդ, բայց, անկեղծ ասած, դժվար է հավատալ, որ ՔՊում Նիկոլ Փաշինյանից զատ որևէ մեկը կարող է ինքնուրույն որոշում կայացնել, քվեարկել, առավել ևս՝ առաջադրվել:

Իսկ հիմնական օրինաչափությունը կամ մոտեցումն այն է, թե նրա քաղաքական շրջապատից ով է իրեն շատ ավելի «ցույց տվել»: Չէ, օրենսդրական նախաձեռնությունների կամ, ընդհանրապես, աշխատանքի մեջ արդյունավետության մասին չէ խոսքը, այլ կոնկրետ նեղ կուսակցական, նեղ քաղաքական «դրսևորման»:

Այսինքն, ով ավելի բարձր է հավատարմություն ցույց տվել «շեֆին», ով ավելի ուժգին ու գռեհիկ է վիրավորել ընդդիմադիրներին ու ընդդիմախոսներին, ով իրեն ավելի ագրեսիվ ու անթույլատրելի է պահել, նրանք էլ ստացել են նոր պաշտոններ: Ուշադրություն դարձրեք առաջադրվածներին, բոլորն էլ ուղղակիորեն տեղավորվում են այս «օրինաչափության» մեջ:

Ի դեպ, պատահական չէր, որ ընտրություններից մի քանի ամիս առաջ քպականներն էլ առանձնահատուկ եռանդով էին պաշտպանում Նիկոլ Փաշինյանի բոլոր քայլերը, նույնիսկ մեջբերումներ էին անում, էլ ավելի մոլեգին էին հարձակվում ընդդիմադիրների վրա, առանձնահատուկ պաթոսով էին արտաբերում «շեֆի» ձևակերպումները ընդդիմադիր առաջնորդների կամ, ընդհանրապես, ընդդիմության հասցեին: Դե, ցուցակում տեղ գրավելու, ապա և պաշտոններ ստանալու խնդիր կար: Բայց, դե, պաշտոններն էլ անսահմանափակ չեն: Հա, ՍԴ-ն էլ միայն այսօր է որոշում կայացնելու»։

Մանրամասները՝ թերթի այսօրվա համարում։

դիտվել է 253 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am