Ի՞նչ է հայտարարագրել Ժաննա Անդրեասյանը․ բնակարաններ, ավտոմեքենա, 30 միլիոն դրամի փոխառություն. «Ժողովուրդ»

«Ժողովուրդ» օրաթերթը գրում է. «Նախօրեին վարչապետ Նիկոլ Փաշինյանի որոշումներով աշխատանքից ազատվեցին ԿԳՄՍ նախարարության երկու տեղակալները, բայց նախարարի մասով հայտնի է, որ վերանշանակվելու է։ Այս առիթով «Ժողովուրդ» օրաթերթը ուսումնասիրել է, թե ինչ ունեցվածք և ֆինանսական միջոցներ ունի ԿԳՄՍ նախարար Ժաննա Անդրեասյանը։

2025 թվականի հայտարարագրի համաձայն՝ Ժաննա Անդրեասյանը ունի երկու բնակարան։ Դրանցից մեկը գտնվում է Կոտայքի մարզի Հրազդան քաղաքում և գնման միջոցով ձեռք է բերվել դեռևս 1994 թվականին, իսկ մյուսը Երևանի Քանաքեռ-Զեյթուն վարչական շրջանում է և գնվել է 2011 թվականին։ Նախարարը շարունակում է ունենալ նաև 2022 թվականի արտադրության HONDA մակնիշի ավտոմեքենան, որը գնել էր 2022 թվականի վերջին։

2025 թվականին նախարարն իրականացրել է նաև խոշոր ֆինանսական գործարք՝ 30 միլիոն դրամի անտոկոս փոխառություն տրամադրելով Արտակ Անդրեասյանին։ Միաժամանակ ամբողջությամբ մարվել է «Կոնվերս բանկում» ունեցած 14 տոկոս տոկոսադրույքով վարկը, որի մարմանն ուղղվել է 5 միլիոն 452 հազար 460 դրամ։ Տարեսկզբի 5 միլիոն 364 հազար 558 դրամ բանկային միջոցները տարեվերջին աճել են՝ հասնելով 10 միլիոն 602 հազար 424 դրամի։

Նախարարի տարեկան եկամուտը կազմել է 25 միլիոն 598 հազար 679 դրամ, որը ամբողջությամբ աշխատանքի վարձատրություն է ԿԳՄՍ նախարարությունից։ Հայտարարագրում նշվում է նաև, որ նա շարունակում է ղեկավար պաշտոններ զբաղեցնել մի շարք պետական հիմնարկների և հիմնադրամների խորհուրդներում, այդ թվում՝ «Կրթական ծրագրերի կենտրոն» պետական հիմնարկում, Խաչատուր Աբովյանի անվան հայկական պետական մանկավարժական համալսարանում, «Սպորտի կառավարման կենտրոն» ՓԲԸ-ում, «Մատենադարանում», Հայաստանի կինոյի հիմնադրամում, Մշակույթի զարգացման հիմնադրամում և Կրթության զարգացման և նորարարության ազգային կենտրոնում, ինչպես նաև անդամակցում է «Հայաստանի մանկավարժահոգեբանական գիտությունների ակադեմիա» հասարակական կազմակերպությանը։
2024 թվականի հայտարարագրով Ժաննա Անդրեասյանի ընդհանուր եկամուտները կազմել են 51 միլիոն 451 հազար 475 դրամ։ Դրանցից 21 միլիոն 451 հազար 475 դրամը աշխատավարձն է, իսկ 30 միլիոն դրամը՝ ֆիզիկական անձից ստացված փոխառություն։ Նույն հաշվետու տարում նույն չափի՝ 30 միլիոն դրամի վարկի մարման ծախս է կատարվել։ Նրա բանկային հաշիվների մնացորդները տարեվերջին կազմել են 5 միլիոն 364 հազար 558 դրամ՝ մեկ տարվա ընթացքում աճելով շուրջ 1.6 միլիոն դրամով։ Անշարժ և շարժական գույքը չի փոխվել. նախարարը շարունակել է ունենալ Քանաքեռ-Զեյթունի բնակարանը և 2022 թվականի HONDA ավտոմեքենան։

2023 թվականի հայտարարագրի համաձայն՝ նախարարի հիմնական գույքը մնացել է նույնը՝ Քանաքեռ-Զեյթունում գտնվող բնակարանը և 2022 թվականի արտադրության HONDA ավտոմեքենան։ Տարվա ընթացքում նա ստացել է 19 միլիոն 722 հազար 667 դրամ աշխատավարձ։ «Կոնվերս բանկում» ունեցած վարկի մնացորդը կազմել է 6 միլիոն 455 հազար 186 դրամ, իսկ բանկային հաշիվների մնացորդները տարվա ընթացքում նվազել են՝ 5 միլիոն 370 հազար 523 դրամից հասնելով 3 միլիոն 799 հազար 313 դրամի։ Խոշոր ծախսեր կամ նոր գույքի ձեռքբերում հայտարարագրված չեն եղել։
2022 թվականը նախարարի հայտարարագրում առանձնանում է ավտոմեքենայի ձեռքբերմամբ։ Նա 7 միլիոն 168 հազար դրամով գնել է 2022 թվականի արտադրության HONDA մակնիշի ավտոմեքենա։ Գնումը ֆինանսավորվել է «Կոնվերս բանկից» ստացված 14 տոկոսանոց վարկով, որի մայր գումարի մնացորդը տարեվերջին նույնպես կազմել է 7 միլիոն 168 հազար դրամ։ Այդ տարվա աշխատավարձը կազմել է 18 միլիոն 290 հազար 979 դրամ, իսկ բանկային հաշիվների մնացորդները աճել են՝ 1 միլիոն 521 հազար 878 դրամից հասնելով 5 միլիոն 370 հազար 523 դրամի։
2021 թվականին Ժաննա Անդրեասյանը դեռ զբաղեցնում էր ԿԳՄՍ նախարարի տեղակալի պաշտոնը։ Այդ ժամանակ նա հայտարարագրել էր Երևանի Քանաքեռ-Զեյթուն վարչական շրջանում գտնվող համատեղ սեփականությամբ բնակարանը, սակայն որևէ ավտոմեքենա դեռ չուներ։ Տարվա ընթացքում նրա աշխատավարձը կազմել էր 14 միլիոն 192 հազար 199 դրամ, իսկ բանկային հաշիվների մնացորդները 771 հազար 458 դրամից աճել էին մինչև 1 միլիոն 521 հազար 878 դրամ։ Այդ ժամանակ նա չուներ վարկեր, թանկարժեք գույք, ավանդներ կամ բաժնային մասնակցություններ։
Ժաննա Անդրեասյանի ընտանիքի ֆինանսական պատկերը զգալիորեն փոխվում է, եթե հաշվարկվում են նաև ամուսնու՝ Հանրային հեռուստաընկերության քաղաքական մեկնաբան Պետրոս Ղազարյանի 2025 թվականի հայտարարագրի տվյալները։

Պետրոս Ղազարյանը 2025 թվականին 60 միլիոն 130 հազար դրամով վաճառել է Երևանում գտնվող իր առանձնատունը, ինչից հետո նրա սեփականությունում մնացել է միայն Քանաքեռ-Զեյթունում գտնվող բնակարանը։ Հանրային հեռուստաընկերությունից նա ստացել է ընդհանուր 40 միլիոն 128 հազար 637 դրամ եկամուտ, որից 18 միլիոն 145 հազար 917 դրամը աշխատավարձ է, իսկ 21 միլիոն 982 հազար 720 դրամը՝ քաղաքացիաիրավական պայմանագրերով ստացված վճարումներ։ Տարեվերջին նրա կանխիկ դրամական միջոցները կազմել են 40 միլիոն դրամ, իսկ բանկային հաշիվների մնացորդները՝ 1 միլիոն 616 հազար 41 դրամ։ Միաժամանակ նա ամբողջությամբ մարել է «Բիբլոս Բանկ Արմենիա»-ի և «Արդշինբանկ»-ի վարկերը՝ ընդհանուր առմամբ վճարելով 42 միլիոն 341 հազար 584 դրամ։

Եթե փորձենք հաշվել նրանց ընտանեկան բյուջեն ընդհանուր 2025 թվականին, ապա ստացվում է՝ ԿԳՄՍ նախարար Ժաննա Անդրեասյանի և նրա ամուսնու՝ Պետրոս Ղազարյանի պաշտոնապես հայտարարագրված տարեկան եկամուտները կազմել են 65 միլիոն 727 հազար 316 դրամ։ Տարեվերջին ընտանիքը հայտարարագրել է 52 միլիոն 218 հազար 465 դրամ դրամական միջոցներ (բանկային հաշիվներ և կանխիկ), ինչպես նաև 30 միլիոն դրամի տրված փոխառություն։
Ստացվում է, նախարարն ավելի ցածր աշխատավարձ է ստանում. ըստ հայտարարագրի ամսեկան մոտ 2 մլն դրամ, իսկ ամուսինը՝ ամսական մոտ 3.3 մլն դրամ աշխատավարձ»։

Մանրամասները՝ «Ժողովուրդ» օրաթերթի այսօրվա համարում:

դիտվել է 212 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am