Էլ ի՞նչն է արգելվելու, էլ ի՞նչն է համարվելու «պատերազմի սպառնալիք». «Փաստ»
«Փաստ» օրաթերթը գրում է, որ 2022-ին «Դիմադրության» շարժման օրերին Ֆրանսիայի հրապարակում տեղադրված Արցախի դրոշը մի քանի անգամ վնասել կամ հեռացրել են, սակայն այն մշտապես վերատեղադրվել է ՀՅԴ երիտասարդական միության անդամների կողմից։ Նման փորձի ընթացքում նրանցից երկուսին ոստիկանները բռնել էին։
Թերթը նաև նշում է, որ իշխանություններն «մայրաքաղաքի արտաքին տեսքը բարեկարգելու» անվան տակ պատերից ջնջել են 2016-ի և 2020-ի պատերազմներում զոհվածների գրաֆիտի դիմանկարները։ «Փաստ»-ի գնահատմամբ, այս քայլերը գալիս են Նիկոլ Փաշինյանից։
ԱԺ-ում Փաշինյանն ասաց. «Ղարաբաղի դրոշների առկայությունը մեր երկրի խորհրդարանում պատերազմի սպառնալիք ա…» և հավելեց, որ ԱԽՔ Արմեն Գրիգորյանի ու Ալիևի օգնական Հաջիևի հանդիպումը նպատակ ուներ «էդ սպառնալիքը կառավարել»։ Թերթը հարցադրում է՝ էլ ի՞նչ կարող է համարվել «պատերազմի սպառնալիք»։
Հետևեք մեզ Viber-ում
