Ճապոնիային պատուհասել է «Հիգոս» թայֆունը. այժմ երկրին է մոտենում «Մեկխալան»
«Հիգոս» թայֆունը պատուհասել է Տոկիոյի մերձակա շրջանները՝ շաբաթ օրը հորդառատ անձրևներ բերելով Խաղաղ օվկիանոսի ափամերձ գոտիներում։ Միևնույն ժամանակ, դրան հաջորդող ավելի հզոր թայֆունը կարող է էլ ավելի շատ տեղումների պատճառ դառնալ՝ օրվա երկրորդ կեսին մեծացնելով սողանքների ու հեղեղումների վտանգը։ Այս մասին հայտնում է Kyodo գործակալությունը՝ հղում անելով օդերևութաբանական ծառայությանը։
Երկու թայֆուններն ու սեզոնային անձրևաբեր ճակատն արդեն իսկ տեղատարափ անձրևներ են բերել արևմտյան և հարավարևմտյան շրջաններում, ինչի հետևանքով սողանքներ են առաջացել ու ճանապարհներ վնասվել։
Գործակալության տվյալներով՝ մինչև կիրակի առավոտ Ճապոնիայի կենտրոնական Տոկայ շրջանում սպասվում է մինչև 250 մմ տեղումներ, իսկ Կանտո-Կոշին շրջանում, ներառյալ Տոկիոն՝ մինչև 200 մմ։
Հետևեք մեզ Viber-ում
