Կարտոֆիլը կառավարությունը չի թանկացրել, այլ գյուղացին է թանկացրել.ՀՅԴ
ԱԺ-ում ճեպազրույցների ժամին նման կարծիք հայտնեց ՀՅԴ խմբակցության ղեկավար Աղվան Վարդանյանին լրագրողները հարց ուղղեցին, թե վերջին երկու օրվա ընթացքում դարձյալ բենզինի գինը բարձրացել է, սա չի փաստում, որ գործող իշխանությունն ու իր կառավարությունը ձախողվել են եւ պետք է հեռանան: «Հայաստանում սարսափելի գնաճ չկա, ունենք գների դեմ պայքար, որը արտահայտվեց ԵԼՔ դաշինքի կազմակերպած երթով։ Տեսանք հասարակության մասնակցությունը, աջակցության չափն ու ծավալները: ԵԼՔ-ը պահանջում է հարկային դրույքաչափերի իջեցում, ապա նաեւ պիտի ասեն՝ ինչպես են պատրաստվում սպասարկել արտաքին պարտքը», - նշեց Վարդանյանը։ «Կառավարության 2017 թվականի գործունեությունը ձեր աչքի առաջ էր ու նման արդյունավետ գործունեություն բոլոր ցուցանշների առումով վերջին տասնամյակում մենք չենք ունեցել:Կարտոֆիլն էլ, որ թանկացել է, դա կառավարությունը չի թանկացրել, այլ գյուղացին է թանկացրել », - ասաց նա : «Սեղմված գազի հետ կապված որակի և չափի վերաբերյալ խնդիր կա, և պետական մարմինները պարտավոր են այս մասին մտածել»,- ասաց Վարդանյանը:
Հետևեք մեզ Viber-ում
