Կաթողիկոսին սպանելու կոչ հնչեցնելուց 6 ամիս անց մեղադրյալ չկա․ «Հրապարակ»

«Հրապարակ»-ը գրում է, որ 2025-ի դեկտեմբերի 28-ին, տարեվերջյան պատարագի օրը, որի ներկա էր Նիկոլ Փաշինյանը, Civic.am-ի ուղիղ եթերում քաղաքացին կաթողիկոսին հասցեագրած բռնության կոչ է հնչեցրել։ Լրագրողի «ինչ պետք է անել, որ Կտրիճ Ներսիսյանը հեռանա» հարցին նա պատասխանել է. «Մի հատ քար տփեն գլխին, սատկացնեն»։

Ավելի ուշ պարզվել է, որ նա Գառնու համայնքապետարանի աշխատակից Էդվարդ Ստեփանյանն է՝ «Ջնդոյի Էդո» մականվամբ։ Հունվարի 7-ին հարուցվել է քրեական վարույթ՝ ՔՕ 330-րդ հոդվածի 2-րդ մասով, սակայն մեղադրյալ առ այսօր չկա։

«Հրապարակ»-ը նշում է, որ Քննչական կոմիտեն պատասխանել է՝ մեղադրյալ չի ներգրավվել։ Քննիչը դիմել է հսկող դատախազին քրեական հետապնդում հարուցելու համար, սակայն վերջինս մերժել է։