Տոտենհեմն ակումբի պատմության ամենաթանկարժեք տրանսֆերն է նախատեսում

«Տոտենհեմը» շարունակում է հետաքրքրված լինել «Նյուքասլի» կիսապաշտպան Սանդրո Տոնալիի տրանսֆերով։ Այս մասին գրում է armsport.am-ը:

Ինչպես ավելի վաղ հաղորդվել էր, «Կաչաղակները» մերժել էին ֆուտբոլիստի համար «Տոտենհեմի» ուղղած 80 միլիոն ֆունտ ստեռլինգի (մոտավորապես 92 միլիոն եվրո) առաջարկը։

Լրագրող Բեն Ջեյքոբսի խոսքով՝ «Տոտենհեմը» պլանավորում է ևս մեկ՝ ավելի շահավետ առաջարկ անել իտալացու համար։ «Մանչեսթեր Սիթին» նույնպես մրցակցության մեջ է։

Transfermarkt-ը Սանդրո Տոնալիի տրանսֆերային արժեքը գնահատում է 80 միլիոն եվրո։ Նա «Նյուքասլ» է տեղափոխվել 2023 թվականի ամռանը՝ «Միլանից», տեղափոխվելով ավելի քան 60 միլիոն եվրոյի դիմաց։