Ինչպես է իշխանությունը հերթական անգամ լքում գյուղացուն տնտեսական քաոսի նախաշեմին. «Փաստ»
«Փաստ» օրաթերթը գրում է, որ նախընտրական հավաստիացումները գյուղացուն աջակցելու մասին հերթական անգամ չեն իրականանում։ Թերթի փոխանցմամբ, էկոնոմիկայի նախարար Գևորգ Պապոյանը հայտարարել է, որ լոգիստիկան թանկ է, աշխարհագրական հեռավորությունը մեծ, և եվրոպական շուկան անհարմար է հայկական գյուղատնտեսական արտադրանքի համար։
Աղբյուրը նշում է, որ Եվրոպայում որոշ դեպքերում հայկական միրգն ու բանջարեղենը վաճառվում են 2–3 անգամ ավելի էժան, քան Ռուսաստանում։
«Փաստ»-ի տեղեկություններով, խոշոր տնտեսություններում կուտակված բերքը չիրացվելու պատճառով փչանում է։ Շուտով մեկնարկում է ծիրանի և այլ մրգերի սեզոնը, և թերթը հարցադրում է անում՝ ինչ լուծումներ է առաջարկվելու։
Հետևեք մեզ Viber-ում
