Փաշինյանը այսօր կգնա ԱԺ. «Ժողովուրդ»

«Ժողովուրդ» օրաթերթը գրում է. «Այսօր՝ հունիսի 16-ին, մեկնարկում է Ազգային ժողովի ութերորդ գումարման տասնմեկերորդ՝ փաստացի վերջին հերթական նստաշրջանը, և հենց առաջին օրակարգային հարցերից մեկը լինելու է Հայաստանի Հանրապետության 2025 թվականի պետական բյուջեի կատարման տարեկան հաշվետվության քննարկումը։

«Ժողովուրդ» օրաթերթը ուսումնասիրեց Ազգային ժողովի պաշտոնական օրակարգը և պարզեց, որ իշխանության համար առանցքային նշանակություն ունեցող այս քննարկմանը մասնակցելու է նաև վարչապետ Նիկոլ Փաշինյանը։ Թեև հիմնական զեկուցող է նշանակվել ֆինանսների նախարար Վահե Հովհաննիսյանը, սակայն բյուջեի կատարման տարեկան հաշվետվության քննարկումը, ավանդաբար, անցկացվում է վարչապետի մասնակցությամբ, քանի որ այն վերաբերում է կառավարության ամբողջ տարվա գործունեության ֆինանսական արդյունքներին։

Հատկանշական է, որ խորհրդարանական ընտրությունների ավարտից անմիջապես հետո Նիկոլ Փաշինյանը կառավարության նիստ էր հրավիրել, որի առանցքային թեմաներից մեկը հենց 2025 թվականի բյուջեի կատարողականն էր։ Իսկ այժմ նույն հաշվետվությունը ներկայացվում է Ազգային ժողով՝ քաղաքական գնահատականի արժանանալու համար։

«Ժողովուրդ» օրաթերթը պարզեց, որ Ազգային ժողով ներկայացված նախագծով առաջարկվում է հաստատել 2025 թվականի պետական բյուջեի կատարողականը հետևյալ ցուցանիշներով․

եկամուտներ՝ 2 տրիլիոն 886 միլիարդ 547 միլիոն դրամ,

ծախսեր՝ 3 տրիլիոն 305 միլիարդ 306 միլիոն դրամ,

բյուջեի դեֆիցիտ՝ 418 միլիարդ 759 միլիոն դրամ։

Փաստացի, կառավարությունը խորհրդարանից ցանկանում է ստանալ քաղաքական հավանություն մի բյուջեի համար, որն ավարտվել է ավելի քան 418 միլիարդ դրամի պակասուրդով։

Հաշվետվությունը Ազգային ժողով է ներկայացվել կառավարության ապրիլի 23-ի որոշմամբ և ուղեկցվում է նաև Կենտրոնական բանկի պաշտոնական եզրակացությամբ։

Սակայն բյուջետային քննարկումները տեղի են ունենում մի իրավիճակում, երբ պետական պարտքի թեման կրկին հայտնվել է քաղաքական օրակարգում։

«Ժողովուրդ» օրաթերթը ուսումնասիրեց նաև ԱԺ ֆինանսավարկային և բյուջետային հարցերի հանձնաժողովում ֆինանսների նախարար Վահե Հովհաննիսյանի ներկայացրած տվյալները և արձանագրեց, որ Հայաստանի արտաքին պարտքը շարունակում է աճել։

Նախարարի ներկայացմամբ՝ 2025 թվականի ավարտի դրությամբ Հայաստանի պետական պարտքը կազմել է 14 միլիարդ 531 միլիոն դոլար։

Ավելին, վերջին տվյալներով՝ միայն 2026 թվականի ընթացքում արտաքին պարտքն արդեն աճել է շուրջ 11 միլիարդ դրամով։

Հենց այս թվերն են այսօր դառնալու խորհրդարանական հիմնական քննարկման առարկա։ Ընդդիմությունն արդեն ամիսներ շարունակ իշխանությանը մեղադրում է պետական պարտքի շարունակական աճի, բարձր դեֆիցիտի և բյուջետային միջոցների ոչ արդյունավետ կառավարման մեջ, մինչդեռ կառավարությունը պնդում է, որ պարտքային բեռի աճը ծառայել է ենթակառուցվածքային, անվտանգային և մարդկային կապիտալի զարգացման ծրագրերին»։

դիտվել է 382 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am