Արտակարգ դեպք Երևանում. Դավիթաշենի գազալցակայանում ուժեղ պայթյունի հետևանքով ամբողջությամբ վնասվել են մարդատար ГАЗель-ներ
Հունվարի 19-ին, խոշոր պայթյուն է տեղի ունեցել Երևանում: Ժամը 23:00-ի սահամններում Դավիթաշենի Սասնա Ծռեր փողոցի թիվ 1/5 հասցեում գտնվող «Քար-Գազ» ՍՊԸ գազալցակայանում լիցքավորման ժամանակ, դեռևս անհայտ պայմաններում, ուժեղ պայթյուն է տեղի ունեցել: Ինչպես դեպքի վայրից հայտնում է ֆոտոլրագորղ Գագիկ Շամշյանը, պայթյունի հետևանքով գզալցակայանի լիցքավորող, Երևան քաղաքի 16-րդ թաղամասի բնակիչ, 33-ամյա Էրիկ Կուրեխյանը «պոլիտրավմա» ախտորոշմամբ տեղափոխվել է «Արմենիա» բժշկական կենտրոն: Դեպքի վայր են ժամանել Արտակարգ իրավիճակների նախարարության փրկարար ծառայության հրշեջ-փրկարաները: Ժամանել են նաև Ճանապարհային Ոստիկանության 1-ին սպայական գումարտակի ծառայողները: Պայթյունի հետևանքով ամբողջովին վնասվել է այդ պահին լիցքավորվող, «Ուղևոր ՏԱՐ» ՍՊԸ-ին պատկանող, Երևան քաղաքի Նոր Նորքի 9-րդ զանգվածի բնակիչ, 30-ամյա Գեղամ Դուրգարյանի կողմից վարվող «ԳԱԶել» 28 09 Տ համարանիշի ավտոմեքենայի գազաբալոնը։ Պայթունի հետևանքով մի քանի գազաբալոններ էլ շպրտվել են։ Վասվել է մեկ այլ մարդատար ГАЗель մակնիշի ավտոմեքենայի դիմապակին և մեկ այլ Opel մակնիշի ավտոմեքենա: Ժամանել է նաև ԱԻՆ ՓԾ ճգնաժամային կառավարման ազգային կենտրոնի օպերատիվ խումբը՝ փրկարար ծառայության կապիտան Լևոն Շահինյանի գլխավորությամբ: Ժամանել է նաև ԱԻՆ հրդեհային և տեխնիկական անվտանգության տեսչության պետ Աշոտ Մկրտչյանը: Այս պահին փրկարարներն ու ՃՈ ծառայողները սպասում են, որպեսզի ժամանեն Ոստիկանության Մաշտոցի բաժնի և Ոստիկանության Դավիթաշենի բաժանմունքի ծառայողները: Ֆոտոլրագրողի տեղեկություններով՝ հիվանդանոց տեղափոխվածը գազալցակայանի լիցքավորող Էրիկ Կյուրեղյանն է, ով գտնվում էում: Ժամանել են նաև Ոստիկանության Մաշտոցի բաժնի օպերատիվ խումբը՝ քրեական հետախուզության բաժանմունքի պետ Սենիկ Երանոսյանի և Ոստիկանության Դավիթաշենի բաժանմունքի օպերատիվ խումբը՝ բաժանմունքի պետ Վարդան Խաչատուրյանի գլխավորությամբ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հետևեք մեզ Viber-ում
