Վարակիչ օրինակ. այս տեմպերով, էլ ի՞նչ պետք է սպասել. «Փաստ»

«Փաստ» օրաթերթը գրում է, որ քպականները շրջանառում են «այ, եթե նախկինում լիներ…» ձևակերպումը՝ ներկայիս իրավիճակը ներկայացնելով որպես «դեմոկրատիա», մինչդեռ, ըստ թերթի, Մասիսում ու Արթիկում եղել են ծեծուջարդի և հարձակումների դեպքեր, ներառյալ հղի կնոջ նկատմամբ, ցուցաբերվել է խուլիգանական վարք: Նշվում է, որ մինչև ընտրարշավի ավարտը, ինչպես նաև քվեարկության օրը, նման դեպքեր կարող են կրկնվել։

Թերթը համարում է, որ ոստիկանությունը պարտավոր է աչալուրջ լինել բոլոր տեղերում, ընտրատեղամասերում և դրանց շրջակայքում։ «Փաստ»-ի գնահատմամբ, պատճառը Նիկոլ Փաշինյանի սպառնալիքներով և գերագրեսիվ հայտարարություններով խոսույթն է, որն, ըստ թերթի, խրախուսում է բռնությունները։