Ինչո՞ւ է նախընտրական գործընթացն իրար խառնում. «Փաստ»
«Փաստ» օրաթերթը գրում է, որ ընտրարշավում Նիկոլ Փաշինյանն ու գործող իշխանությունը չեն բարձրացրել վարկանիշը և մերժվում են։ Նշվում է, որ նրա վարքագիծը վնասում է իշխող ուժին, «խաղաղության» թեզը չի գործում, դիտարկվում է «մոլդովական տարբերակը»։
Թերթի տվյալներով ակտիվացվել են ճնշումները ընդդիմության վրա։ Հիշատակվում են «Ուժեղ Հայաստանի» առաջնորդ Սամվել Կարապետյանի ազատության սահմանափակումը, Նարեկ Կարապետյանի դեմ վարույթը, ինչպես նաև Փաշինյանի՝ ԱԱԾ-ին հանձնարարականը հետապնդել Անդրանիկ Թևանյանին դավաճանության հոդվածով։
«Փաստ»-ը գրում է նաև ընտրակաշառքի «գործերի», ձերբակալությունների և դեպքի մասին, երբ քաղաքացուն նկարը պոկելու համար տարել են Նուբարաշենի հոգեբուժարան, որտեղ նա մահացել է։ Թերթը կոչ է անում ընդդիմությանը պահպանել սառնասրտություն ու գործել համակարգված։
Հետևեք մեզ Viber-ում
