Նիկոլ Փաշինյանի քարոզչական վարքագիծը կտրուկ փոխվել է. «Ժողովուրդ»

«Ժողովուրդ» օրաթերթը գրում է. «Վերջին օրերին Նիկոլ Փաշինյանի քարոզարշավում արձանագրված միջադեպերից և, մասնավորապես, Արաբկիր վարչական շրջանում տեղի ունեցած լարված իրավիճակներից հետո վարչապետի քարոզչական վարքագիծը կտրուկ փոխվել է։


«Ժողովուրդ» օրաթերթի տեղեկությունների համաձայն՝ Փաշինյանի թիմում եղել են մարդիկ, որոնք նրան խորհուրդ են տվել քարոզարշավի ընթացքում երկար զրույցի չբռնվել քաղաքացիների հետ՝ հնարավոր նոր միջադեպերից և սկանդալներից խուսափելու համար։ Եվ ահա երեկ Արարատի մարզում անցկացված քարոզչության ժամանակ նկատելի էր, որ Նիկոլ Փաշինյանը քաղաքացիների հետ երկար շփումների չէր գնում։ Կարճ ողջույններից հետո նա հիմնականում խոսում էր բարձրախոսով՝ իր ասելիքը փոխանցելով առանց էմոցիոնալ բռնկումների և ուղիղ բանավեճերի մեջ մտնելու։

Եթե նախկինում Փաշինյանը կանգնում էր, երկար զրուցում քաղաքացիների հետ, լսում դժգոհություններն ու փորձում անմիջական շփման տպավորություն ստեղծել, ապա այժմ պատկերն այլ է՝ արագ քայլք, հեռվից բաժանվող թռուցիկներ, անվտանգության խիստ վերահսկողություն և մարդկանց հետ նվազագույն շփում։

ՔՊ-ում, ըստ տեղեկությունների, Փաշինյանին հորդորել են փոխել վարքագիծը։ Այսինքն՝ նույնիսկ սեփական թիմում հասկանում են, որ փողոցային իրականությունն այլևս այն չէ, ինչ 2018-ին էր։ Մարդիկ այսօր ոչ թե հիացմունքով են մոտենում, այլ պահանջներով, դժգոհություններով և ծանր հարցերով։

Այս կերպ Փաշինյանն ու նրա թիմակիցները փորձում են վերահսկել քարոզչության ընթացքը և հնարավորինս խուսափել այնպիսի իրավիճակներից, որոնք կարող են նոր սկանդալների առիթ դառնալ։

Հետաքրքիր է նաև մեկ այլ հանգամանք․ Փաշինյանը, խուսափելով քաղաքացիների հետ անմիջական բախումներից, իր ելույթներում շարունակում է թիրախավորել քաղաքական ընդդիմախոսներին։ Նրա հռետորաբանությունը, բառապաշարը և ընդդիմության հասցեին հնչող սպառնալիքները շարունակում են հնչել հրապարակային ելույթներում՝ արդեն ոչ թե դեմ առ դեմ բախումների, այլ բարձրախոսների միջոցով։

Արաբկիրը, կարծես, Փաշինյանի համար դարձավ ոչ թե հերթական քարոզարշավային կանգառ, այլ քաղաքական սթափեցնող ազդակ։ Եվ այդ ազդակը, դատելով ամեն ինչից, իշխանությունը շատ լավ է հասկացել։

Նշենք, որ այսօր՝ ժամը 08։00-ին, Նիկոլ Փաշինյանը պատասխանելու է լրագրողների հարցերին»։

 

դիտվել է 279 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am