Ավինյանն անցել է բոլոր սահմանները. Գեղամ Մանուկյան

«Հայաստան» դաշինքի անդամ Գեղամ Մանուկյանն անդրադարձել է Երևանի քաղաքապետ Տիգրան Ավինյանի հյատարարությանը, թե որտեղ էր ՀՅԴ վերնախավը 44-օրյա պատերազմի սկզբին։

«Տիգրան Ավինյանը միայն սեպտեմբերի 28-ին է Նիկոլ Փաշինյանի որոշմամբ արձակուրդից վերադարձել, երեք օր շարունակ նա հյուրանոցի նկուղում է եղել, հետո արդեն որ կողմերն է եղել ռազմաճակատի՝ աևդեն էական չի, պարզապես Հայաստանի Հանրապետության կառավարության ղեկավարի տեղակալը, ով ամբողջ պատերազմի ընթացքում պարտավոր էր ապահովել թիկունքը, կազմակերպել թիկունքը, նյութատեխնիկական ապահովում, սննդի ապահովում իրականացրեր, ավելի շատ տեսախցիկների առաջ Արցախում նկարվում էր, քան իր բուն գործով էր զբաղվում։

Նա պետք է նստեր Հանրապետության հրապարակի կառավարության շենքում, 24 ժամ աշխատեր, իր պարտականությունները կատարեր և ոչ թե տեսախցիկների առաջ երևար, որ հիմա էլ հոխորտան, թե ինչի եք ողջ մնացել։

Ի դեպ, որևէ իմաստալից բացատրություն չգտնելով իր գործողություններին, Տիգրան (01:30) Ավինյանն անցել է բոլոր սահմանները, թե ուր էր դաշնակցության վերնախավը պատերազմի ժամանակը։ Դաշնակցության վերնախավը պատերազմի ժամանակ՝ սեպտեմբեր 27-ի առավոտյան արդեն ժամը 8:00-ին կազմակերպական գործի մեջ էր։ Հարյուրավոր կամավորներ դաշնակցական արդեն շարված էին Արամ Մանուկյանի արձանի մոտ և արդեն գիշերը առաջնագծում էին։ Առաջնագծում էր, օրինակ, Գեղամ Մուշեղյան, դաշնակցության Երևանի կառույցի ղեկավար, առաջնագծում էին դաշնակցության Հայաստանի գերագույն մարմնի անդամները, օրինակ, բժիշկ Տարոն Տոնոյանը։

Մի օր պարզվելու է, թե Հայաստանի իշխանությունները ինչպես տապալեցին 44-օրյա պատերազմում իրական համահայաստանյան, համահայկական կազմակերպման մոբիլիզացիան»,-ասաց Մանուկյանը։