Ընդդիմության լիդերներին զգուշացնում եմ՝ ստիպված եք լինելու 200-250 միլիարդ գումար հայթայթել. Բագրատյան

ՀՀ նախկին վարչապետ, տնտեսագիտության դոկտոր Հրանտ Բագրատյանը վստահ է՝ ընտրություններում ընդդիմությունը կհաղթի։ «Փաստինֆո»-ի հաղորդմամբ՝ Բագրատյանը սակայն զգուշացրել է ընդդիմադիր առաջնորդներին, որ իշխանության գալու պարագայում ստիպված են լինելու 200-250 միլիարդ դրամ գումար հայթայթել։

Հրանտ Բագրատյանն իր աջակցությունն է հայտնել «Ուժեղ Հայաստանին»

Կասկածներ կան՝ գործող վարչախումբը ներգրավված է դեղերի բիզնեսում․ Բագրատյան
«Ես վստահ եմ ընդդիմության հաղթանակի մեջ, բայց ուզում եմ զգուշացնել ընդդիմության լիդերներին, դա Սամվել Կարապետյանն է, Ռոբերտ Քոչարյանը, Գագիկ Ծառուկյանը, Արման Թաթոյանը։ Տղե՛րք, գալու եք ու ստիպված եք լինելու 200-250 միլիարդ փող գտնել, որ ապահովագրությունը շարունակվի։ Չկա՛ այդ փողը բյուջեում։ Ինքը սա բարդելու է ձեր գլխին»,-ասել է Հրանտ Բագրատյանը։
Նրա խոսքով՝ հիմա, երբ մի քանի ամիս է ինչ առողջության համընդհանուր ապահովագրությունը կա, չես հասկանում, թե մեծ մասը քեզ բուժո՞ւմ են, թե ոչ, փոխհատոցում կա՞, թե ոչ, իսկ դեղատներն էլ բողոքում են, որ դեղերը տվել են, բայց ֆինանսների նախարարությունն ուշացնում է վճարումները։

«Ի՞նչ կլինի հունիսի 7-ից հետո, եթե այդ իշխանությունը մնա։Հունիսի 7-ից հետո եկած նոր իշխանություններին պատրաստ եմ խորհրդակցական իմ ձայնը տալ ու ասել, թե ինչպես կարելի է այդ վիճակից դեւրս գալ։ Սա պետք է ժողովուրդն իմանա»,-ասել է նա։

Վերջինս ընդգծել է, որ թոշակների ավելացումը նախատեսված չէր, սակայն Փաշինյանը 10 հազարական դրամով այն ավելացրեց։

«Օրինակ իմ թոշակը չի ավելացել, զինվորականի, դատավորի թոշակը չի ավելացել։ Մենք ասում ենք, որ եթե դա նախատեսված չէ ու տնտեսությունը նման աճ չունի, երբ դու ավելացնում ես 10 տոկոս, տեղի է ունենալու գնաճ։ Առաջին 4 ամսում ունենք 5.3 տոկոս գնաճ։ Իր բարձրացրածի կեսը մարեց արդեն, մինչև տարեվերջ ամբողջը կմարի։ Կա հնարավորություն թոշակներ բարձրացնելու, այդ դեպքում իշխող ուժը, որը կգա իշխանությւան, այն աստիճանի լայհնածավալ պարգևավճարներ չպետք է տա, ինչպես կարելի է տալ նախարարության աշխատակիցներին տարեկան 13-րդ կամ 14-րդ աշխատավարձ, այլ ոչ թե աշխատավցարձի ֆոնդի 50 տոկոսի չափով»,-ասել է նա։