Նորից ու նորից «Ճվճվ Արոյի» որդիների մասին

ՀՀ արդարադատության նախարար Դավիթ Հարությունյանը չցանկացավ անդրադառնալ Քննչական կոմիտեի և ոստիկանության աշխատանքին՝ կապված «Ճվճվ Արոյի» կրտսեր որդու նկատմամբ հետախուզում հայտարարելու մասին։

Հարցին, թե արդյոք Արա Վարդանյանի որդիների գործողությունները չեն փաստում, որ երկրում անպատժելիությունն ու հովանավորչությունն են գործում, նախարարը նշեց. «Անպատժելիություն և հովանավորչություն մեր երկրում, որպես կանոն, չկա։ Նման յուրաքանչյուր դեպք արժանի է ոչ միայն պարսավանքի, այլև պատասխանատվության»,- ասաց նա՝ հավելելով, որ պետք է լինես կույր, որպեսզի դա չտեսնես։