Դերասաններին հրավիրում եմ դահլիճ…Շարմազանով
«Ոստիկանական համակարգում հազարին մոտ փոփոխություններ են տեղի ունեցել: Հանցագործությունները ոչ միայն փողոցում են տեղի ունենում: Երբ մարդկանց աշխատանքից ազատում են, ուրեմն ինչոր մի մութ կողմ այնտեղ կա: Դրա համար ես առաջարկում եմ առաջին հերթին տեսախցիկներ ետղադրել ոստիկանական բաժանմունքներում, կաբինետներում, դատախազության բոլոր առանձնասենյակներում, Կառավարության աշխատակազմի ամբողջական համակիարգում ու թափանցիկ դարձրեք ձեր աշխատանքը հասարակության համար»,- «ՀՀ ոստիկանության մասին» օրենքի՝ առաջին ընթերցմամբ փոփոխությունների քննարկմանը հայտարարեց «Ծառուկյան» խմբակցության պատգամավոր Արարատ Զուրաբյան «Մենք, ակախ մեր առաջին կամ 2-րդ մասնագիտությունից, նաեւ կինոդերասաններ ենք՝ փողոցում նկարվում ենք, աշխատանքի վայրում նկարվում ենք, ավտոմեքենայում նկարվում ենք, մնում է՝ բնակարանում նկարվենք: Այսքանից հետո մեզ ոչինչ չի խանգարում հայցել միջազգային կառույցների աջակցությունը՝ մեզ հայտնի դերասանների ցանկում ներառելու համար»,հայտարարեց «Ծառուկյան» խմբակցության պատգամավոր Գեւորգ Պետրոսյանը: «Դերասաններին հրավիրում եմ դահլիճ…Հարգելի գործընկերներ, ձեզ հրավիրում եմ դահլիճ»,- ծիծաղելով արձագանքեց ԱԺ փոխխոսնակ Էդուարդ Շարմազանովը՝ նշելով, որ այժմ ինքը հանդես կգա արտահերթ ելույթով: «Այս նախագիծը ոչ թե ընդդեմ քաղաքացու է, քաղաքական գործիչների է, այլ սրա նպատակը հանուն քաղաքացու անվտանգության, հասարակական կարգի պահպանության պաշտպանությունն է: Ոստիկանությունը որեւէ խնդիր չունի օպերատիվ, գաղտնի տեսանկարահանման, եթե դա պահանջում է հանցագործությունների դեմ պայքարը: Ուստի, այս օրենքին մենք պետք է կողմ քվեարկենք: Վերջում ժպիտի պահով՝ դուք էլ ժպտացեք, պարոնայք, ժպիտը գեղեցկացնում է մարդուն»,հայտարարեց նա:
Հետևեք մեզ Viber-ում
