ՌԴ պաշտոնյան մեկնում է Բաքու
Ռուսաստանի Դաշնության պետքարտուղար, փոխարտգործնախարար Գրիգորի Կարասինը այսօր կժամանի Բաքու` քննարկելու տարբեր մակարդակներում երկկողմանի շփումների հեռանկարները, Հարավային Կովկասի խնդիրները:
Այս մասին հայտնում է ՏԱՍՍ-ը:
«Ծրագրում ենք աշխատանքային հանդիպում Ադրբեջանի արտգործնախարարության ղեկավարության հետ: Մենք լայն օրակարգ ունենք, երկկողմանի շփումներ, շատ հարցեր: Կքննարկենք տարբեր մակարդակներում երկկողմանի հանդիպումների հեռանկարները, տարածաշրջանային հարցերը, Հարավային Կովկասի խնդիրները: Խոսելու շատ բան կա»,-ասել է նա: Բարձրաստիճան դիվանագետը նշել է, որ Բաքվում օրակարգը չի նմանվում մարտի 2-ին փոխարտգործնախարարների մակարդակով Թեհրանում անցկացված խորհրդակցություններին: «Դա բացարձակապես առանձին հանդիպում է, այն հարցերի շուրջ խորհրդակցություն է, որոնք վերաբերում են արտաքին քաղաքական ոլորտում ռուսաստանա-ադրբեջանական փոխգործակցթյանը», -հայտնել է նա: Միաժամանակ Կարասինը հավելել է, որ մտադիր է ադրբեջանական կողմի ներկակայացուցիչներին կարճ պատմել Թեհրանում հանդիպման արդյունքների մասին: «Բնական է, համառոտ կպատմեմ, թե ինչի մասին ենք խոսել Թեհրանում: Մենք մեր գործընկերների համար միանգամայն տրանսպարենտ ենք աշխատում, լինի դա Ադրբեջանը, Իրանը, այլ երկրներ», -հավելել է նա: Գրիգորի Կարասինը նաեւ հայտնել է, որ «կասպյան հնգյակի» երկրների (Ռուսաստան, Իրան, Ղազախստան, Թուրքմենստան, Ադրբեջան) արտգործնախարարների հանդիպումը ծրագրվում է անցկացնել «ամռանը մոտ»:
Հետևեք մեզ Viber-ում
