Եզդիների ցեղասպանության դատապարտման հայտարարությունն ընդունվեց

Քվեարկության դրվեց «Ահաբեկչական խմբավորումների կողմից իրենց վերահսկողության ներքո գտնվող Իրաքի Հանրապետության տարածքներում եզդի ժողովրդի նկատմամբ 2014 թ-ին իրականացված ցեղասպանության դատապարտման մասին» նախագիծը և ընդունվեց 91 կողմ և 1 ձեռնպահ ձայների հարաբերակցությամբ: Նախքան քվեակությունը ՀՀԿ-ական Սամվել Ֆարմանյանը նշեց, որ առաջարկներ է արել, որոնք կարծես թե չեն ընդունվել հեղինակների կողմից. «Ոչ մի ցեղասպանության ճանաչման բանաձևում ճանաչում բառը չի օգտագործվում, մենք շատ երկրների մեղադրում ենք ընտրովի վերաբերմունքի մեջ, մենք էլ նույնը չանենք ու ամբողջությամբ դատապարտենք», - կոչ արեց նա: