«Վիգեն Սարգսյանը մի տեսակ զսպված, խելամիտ մարդու իմիջ էր ստեղծել, բայց…». Նիկոլ Փաշինյան
Զինվորին աջակցելու համար պաշտպանության նախարար Վիգեն Սարգսյանի նախաձեռնած դրամահավաքը տարօրինակ է: Նման կարծիք այսօր լրագրողների հետ հանդիպման ժամանակ հայտնեց ԱԺ «Ելք» խմբակցության ղեկավար Նիկոլ Փաշինյանը: Ըստ նրա` կառավարությունն ունի բոլոր լծակները դա անելու համար։ «Կառավարությունը բոլոր լծակներն ունի, որպեսզի այդ գումարը հավաքի։ Էլ չեմ ասում, որ իրավիճակից ելնելով՝ ես ինքս «1000 դրամների» օրենքին կողմ եմ քվեարկել՝ նաև նմանատիպ իրավիճակները հաշվի առնելով։ Թեև դեպքը մինչև օրենքի մեջ մտնելն է տեղի ունեցել, բայց կառավարությունը պահուստային ֆոնդ ու միջոցներ ունի», - նշեց նա: Նրա համոզմամբ՝ եթե հ/կ-ները կամ ակտիվիստները դա անեին, հասկանալի կլիներ, որովհետև նրանք չունեն գումարներ իրենց տնօրինության ներքո, բայց կառավարությունն ունի պահուստային ֆոնդ, այլ միջոցներ: «Վիգեն Սարգսյանը Բաղրամյան 26-ում, լուռ կարգավիճակում աշխատելով, մի տեսակ զսպված, հավասարակշռված, խելամիտ մարդու իմիջ էր ստեղծել, բայց այս վերջին մեկ տարում տեսանք, որ դա ամենևին այդպես չէ: Եվ դա մտահոգիչ է, հատկապես` պաշտպանության նախարարի համար»,- եզրափակեց նա:
Հետևեք մեզ Viber-ում
