Պակասեցնում ենք պետական տուրքի գումարը. Էդմոն Մարուքյան

Այսօր Ազգային ժողովում քննարկվում է «Ելք» խմբակցության ներկայացրած «Լիցենզավորման մասին» ՀՀ օրենքում փոփոխություն կատարելու մասին և «Պետական տուրքի մասին» Հայաստանի Հանրապետության օրենքում փոփոխություն կատարելու մասին օրենքների նախագծերի փաթեթը: Նախագծի հիմնական զեկուցող, «Ելք» խմբակցության պատգամավոր Էդմոն Մարուքյանը նշեց, որ այս նախագծով թեթևացվում են տնտեսվարող ընկերությունների լիցենզիա հանելու հնարավորությունները: «Օրենքների նախագծերի փաթեթը միտված է վտանգավոր թափոնների գործածության կարգավորմանն այնպես, որ կարողանան տնտեսվարողների համար դաշտը բարելավել: Ինչպես նաև պետական տուրքի գումարը պակասեցնում ենք»: Նախագծի հարակից զեկուցող, ՀՀ բնապահպանության նախարար Արծվիկ Մինասյանն էլ նշեց. «Սա նաև հնարավորություն է տալիս աշխուժացնելու դաշտը, տնտեսվարող ընկերություններն ավելի հեշտությամբ կստանան թույլտվություն ու իրենց գործունեությունը կծավալեն: Սա լավ օրինակներից մեկն է, որ կառավարությունը և ընդդիմադիր գործընկերները կարողացան համատեղ ուժերով օրենսդրական փոփոխություն իրականացնել»: