Ադրբեջանական զինուժը կիրառել է խոշոր տրամաչափի գնդացիրներ եւ դիպուկահար հրացաններ
Հունվարի 7-ից 13-ն ընկած ժամանակահատվածում արցախա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 200 անգամ՝ հայ դիրքապահների ուղղությամբ արձակելով ավելի քան 2000 կրակոց: Ինչպես հայտնում են Արցախի ՊՆ-ի մամուլի ծառայությունից, բացի հրաձգային զինատեսակներից, ադրբեջանական զինուժն առաջնագծի տարբեր հատվածներում կիրառել է նաեւ խոշոր տրամաչափի գնդացիրներ եւ դիպուկահար հրացաններ: ՊԲ առաջապահ զորամասերը շարունակում են վստահորեն իրականացնել իրենց առջեւ դրված մարտական խնդիրը՝ անհրաժեշտության դեպքում դիմելով նաեւ պատասխան գործողությունների:
Հետևեք մեզ Viber-ում
