Իրանին «ջախջախող» Դոնալդ Թրամփը, փաստորեն, առաջարկներ է ներկայացնում «ջախջախվածին»․ քաղաքագետ
Քաղաքագետ Հակոբ Բադալյանը գրում է․ «Իրանի անվտանգության խորհուրդը հայտնել է, որ ԱՄՆ Պակիստանի ԶՈՒ գլխավոր հրամանատար Մունիրի միջոցով Իրանին է փոխանցել նոր առաջարկներ, որոնք ուսումնասիրվում են:
Մունիրը երկու օր առաջ ժամանել էր Թեհրան: Նա Պակիստանի զինված ուժերի հրամանատարն է, բայց դիտարկվում է դե ֆակկտո ամենաազդեցիկ գործիչը Պակիստանում: Մունիրի մասնակցությունը իրան-ամերիկյան հրադադարի համաձայնության հարցում եղել է նշանակալի:
Այստեղ սակայն մեկ այլ բան է հատկանշական: Օրը մի քանի անգամ Իրանին «ջախջախող» Դոնալդ Թրամփը փաստորեն առարակներ է ներկայացնում «ջախջախվածին»: Սա իհարկե վկայում է, թե որքան է այդ հայտարարությունների արժեքը: Սակայն հնարավոր է նաեւ մեկ այլ ուշադրության աժանի հանգամանք: Պակիստանում բանակցության առաջին փուլում ամերիկյան պատվիրակության ղեկավարը Վենսն էր:
Կարո՞ղ ենք բացառել, որ Վենսը պարզապես առաջ է տանում դիվանագիտական որոշակի գործընթաց, որի հետ Թրամփը կարող է կապ ունենալ այնքանով, որքանով: Իհարկե սա կթվա աներեւակայելի, որովհետեւ ինչպես կարող է փոխնախագահը շրջանցել նախագահին: Բայց, Թրամփը այսօր այնպիսի քարերի արանքում է, որ պարզապես հենց ինքը դեմ չի լինի, եթե իր հետ սեղմվել չցանկացող Վենսը կարողանա փրկվել, եւ եթե դրա միջոցով կարող է փրկվել նաեւ ինքը՝ Թրամփը»։
Հետևեք մեզ Viber-ում
