Ադրբեջանն Ուկրաինայից 50 միավոր РК-2С/ОФ հակատանկային հրթիռ է գնել. ուկրաինացի բլոգեր
Հունվարի 13-ին ուկրաինացի բլոգեր diana-mihailova-ն հայտնել է, որ Ուկրաինան 2017 թ. Ադրբեջանի պետական սահմանապահ ծառայությանը (ՊՍԾ) վաճառել է 50 միավոր РК-2С և РК-2ОФ տեսակի կառավարվող հակատանկային հրթիռ: Նույն բլոգերը նաև հրապարակել է փաստաղթի պատճեն (Screenshot)` նշելով, որ այն վերցրել է Ուկրաինայի մաքսային ծառայությունից: Ըստ այս տեղեկության՝ 2017 թ. ապրիլին Ադրբեջանի ՊՍԾ-ն Ուկրաինայի «Ուկրսպեցէքսպորտ» պետական ընկերության միջոցով նույնպես ուկրաինական պետական «Լուչ» կոնստրուկտորական բյուրոյից գնել է «ցամաքային շարժվող և անշարժ թիրախներից խոցման» համար նախատեսված РК-2С և РК-2ОФ հակատանկային կառավարվող հրթիռներ (25-ական միավոր)՝ յուրաքանչյուրի համար վճարելով 48 հազար դոլար:
Նշենք, որ այս հրթիռներն արտադրվել են նույնպես ուկրաինական «ՍԿԻՖ» հակատանկային հրթիռային համալիրների համար:
Հրթիռների մարտավարատեխնիկական բնութագրերը՝ ըստ արտադրող ընկերության.
| РК-2С, РК-2ОФ | |
| Հեռահարությունը–Ցերեկ –Գիշեր | 100-5000մ 100-3000մ |
| Ուղղորդման համակարգ | Լազերային ճառագայթ |
| Մարտական մաս–Տանդեմային կումուլյատիվ. դինամիկ զրահին հաջորդող զրահի խոցումը –Բեկորա-ֆուգասային, զրահահարությունը | 800մմ 60մմ |
| Կոնտեյներում հրթիռի զանգվածը | 29,5կգ |
| Տրամաչափը | 130մմ |
Հետևեք մեզ Viber-ում
