Հայկական արմատներ ունեցող սաուդյան արքայազնը առաջարկել է մեղադրանքների դիմաց վճարելով ազատ արձակվել

Կոռուպցիայի կասկածանքով ձերբակալված Ալ Վալիդ բին Թալալը բանակցություններ է վարում իշխանությունների հետ: Այս մասին հաղորդում է  Reuters-ը: Բին Թալալը «նվիրատվություն» է առաջարկել Սաուդյան Արաբիային, որից հետո արքայազնի դեմ մեղադրանք չի առաջադրվի, սակայն իշխանությունները համաձայն չեն եղել այդ գումարին: Բին Թալալը և տասը այլ արքայազներ ձերբակալվել էին 2017 թ. նոյեմբերին փողերի լվացման և լիազորությունների չարաշահման մեղադրանքով: Ալ Վալիդը Սաուդյան Արաբիայում ամենահարուստ մարդկանցից մեկն է, հունվարի 14-ի դրությամբ՝ Bloomberg-ը գնահատել է նրա ունեցվածքը 17.7 միլիարդ դոլար: