Խաղաղ պայմաններում 5-րդ մահը բանակում՝ 4 ամսվա ընթացքում․ «Ազատություն»

Այս տարվա 4 ամիսներին 5-րդ մահվան դեպքն է գրանցվել բանակում՝ խաղաղ պայմաններում: Այս անգամ նույնպես նախ Shamshyan.com-ը առաջինը հայտնեց լուրը՝ տեղեկացնելով, որ մահացել է 19-ամյա Նարեկ Հակոբյանը, ՊՆ-ն միայն ժամեր անց հաստատեց տեղեկությունը, գրում է «Ազատություն»-ը։

Shamshyan.com-ի տվյալներով՝ դեպքը տեղի է ունեցել երեկ՝ ժամը 16:00-ի սահմաններում․ զինծառայողը մահացել է զինվորական հոսպիտալ տեղափոխվելու ճանապարհին։ Ֆոտոլրագրողի տեղեկություններով՝ նա հոսպիտալ է տեղափոխվել Նուբարաշենի կրակարաններից (պոլիգոնից)՝ հրազենային վնասվածքով։ «Ազատության» տեղեկություններով՝ զինծայառողը Երևանից էր:

Քննչական կոմիտեն քրեական վարույթ է հարուցել ինքնասպանության հասցնելու հոդվածով: Կատարվում է նախաքննություն՝ դեպքի հանգամանքները պարզելու համար: Այլ մանրամասներ չեն փոխանցում, պարզ չէ՝ արդյոք գործով ձերբակալվածներ ու կասկածյալներ կան:

Հելսինկյան քաղաքացիական ասամբլեայի Վանաձորի գրասենյակի իրավապաշտպան Նազելի Մովսեսյանն ասում է՝ բանակում մահվան դեպքերի մասին իրենց վիճակագրությունն այլ է. «Մեր տվյալներով այս պահի դրությամբ 12 զինծառայողի մահացության դեպք է արձանագրվել 2026 թվականին։ Ասեմ, որ դեպքերի մի մասը հրապարակային չի եղել, այսինքն՝ մենք իմացել ենք դատախազությունից և հիմնականում դրանք այն դեպքերն են, որոնք զինվորական ծառայության հետ չկապված են դասակարգվել»,- ասաց Նազելի Մովսեսյանը։

Մանրամասն՝ սկզբնաղբյուր կայքում։