18-ամյա դպրոցական Դավիթ Մինասյանի վերաբերյալ քրեական գործը ապրիլի 14-ին մուտքագրվել է դատարան։
Գործը մակագրվել է Երևան քաղաքի առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանին։
Նշվում է, որ Դավիթ Գարեգինի Մինասյանին մեղադրանք է առաջադրվել այն բանի համար, որ նա եղբոր՝ Միքայել Գարեգինի Մինասյանի օժանդակությամբ կատարել է Գևորգ Ալեքսանդրի Գևորգյանի կողմից կազմակերպված հանցանքները, այն է` 2026 թվականի մարտի 29-ին՝ ժամը 12:00-ի սահմաններում, Երևան քաղաքի Աբովյան փողոցի 15/հասցեում գտնվող Սուրբ Աննա եկեղեցում կատարել է խուլիգանություն, ինչպես նաև պաշտոնատար անձի, քաղաքական գործունեությանը միջամտելու նպատակով գործադրել է բռնություն։
Նրան մեղադրանք է առաջադրվել Քրեական օրենսգրքի 297-րդ հոդվածի 1-ին մասի և 498-րդ հոդվածի 3-րդ մասի հատկանիշներով։ Դավիթ Մինասյանի նկատմամբ խափանման միջոց է ընտրված բացակայելու արգելքը։
Հիշեցնենք, որ այս գործով մեղարյալի կարգավիճակ ունի նաև Դավիթի եղբայրը՝ Միքայել Մինասյանը, նրա վերաբերյալ գործի նախաքննությունը դեռ չի ավարտվել։
Նշենք, որ Դավիթ Մինասյանն առողջական լուրջ խնդիրներ ունի: Դատավոր Մնացական Մարտիրոսյանի կալանավորման որոշումից հետո, նրա վիճակը վատթարացել էր։ Դավիթը մի քանի օր անցկացրել է «Նաիրի» բժշկական կենտրոնի վերակենդանացման բաժանմունքում։ Երեկ՝ ապրիլի 14-ին, հսկող դատախազի որոշմամբ կալանքը վերացվեց։
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
