Ո՞ր ակումբների մասին է երազել Սպերցյանը մանկության տարիներին. հայ ֆուտբոլիստի անկեղծ խոստովանությունը

Հայաստանի ազգային հավաքականի և Ռուսական «Կրասնոդարի» ավագ ու կիսապաշտպան Էդուարդ Սպերցյանը նշել է եվրոպական այն ակումբները, որոնցում մանկուց երազել է հանդես գալ:

«Մանկուց երևի թե կարելի է առանձնացնել «Բարսելոնան»: Կարելի է նշել նաև «Լիվերպուլը»: Իրականում, ժամանակի ընթացքում ես սկսեցի այլ կերպ նայել ֆուտբոլին»,- ասել է Սպերցյանը Corner Football Armenia յութուբյան ալիքին տված հարցազրույցում:

Նշենք, որ ընթացիկ մրցաշրջանում հայ կիսապաշտպանը «Կրասնոդարի» կազմում բոլոր մրցաշարերում անցկացրել է 31 հանդիպում՝ դառնալով 12 գոլի և 15 գոլային փոխանցման հեղինակ:

Ռուսաստանի Պրեմիեր լիգայի 23 տուրից հետո «Կրասնոդարը» վաստակել է 52 միավոր և գլխավորում է առաջնության մրցաշարային աղյուսակը:

Armsport