Արման Սահակյանի գործով ձերբակալվել է նաև Հայկ Դավթյանը
«Փաստինֆո»-ի տեղեկություններով՝ Պետական գույքի կառավարման վարչության նախկին պետ Արման Սահակյանի վերաբերյալ քրեական վարույթով ձերբակալվել է նաև Սոցիալական հարցերի նախկին նախարար Արտեմ Ասատրյանը։ Մենք տեղեկացանք, որ ձերբակալվածների թվում է նաև Հայկ Դավթյանը։
«Փաստինֆո»-ն ավելի վաղ հայտնել էր, որ այսօր ձերբակալվել է Արման Սահակյանը՝ Հակակոռուպցիոն կոմիտեում քննվող քրեական վարույթի շրջանակներում, թե ինչ վարույթի մասին է խոսքը՝ կառույցից չեն մանրամասնել, միայն հաստատել են, որ Հակակոռուպցիոն կոմիտեում քննվող քրեական վարույթի շրջանակներում ՀՀ քրեական օրենսգրքի տարբեր հոդվածներով նախատեսված հանցավոր արարքներ կատարելու մեղադրանքներով ձերբակալվել են մի շարք անձինք, այդ թվում՝ Պետական գույքի կառավարման վարչության պետի պաշտոնը զբաղեցրած անձը և այլ նախկին բարձրաստիճան պաշտոնյաներ:
Իզաբել Սահակյան
