Գազի գնի բարձրացումը կազդի Հայաստանի սպառողների համար էլեկտրաէներգիայի գնի վրա․ Ղազինյան
Գազի սակագնի բարձրացումը կանդրադառնա Հայաստանում սպառողների համար էլեկտրաէներգիայի արժեքի վրա։ Այս մասին ապրիլի 2-ին կայացած մամուլի ասուլիսի ժամանակ հայտարարել է ՀԷՑ-ի (Հայաստանի էլեկտրական ցանցեր) նախկին գլխավոր տնօրենի պաշտոնակատար, «Ուժեղ Հայաստան» կուսակցության վարչության անդամ Դավիթ Ղազինյանը։
Հիշեցնենք, որ ՌԴ նախագահ Վլադիմիր Պուտինը նախօրեին ՀՀ վարչապետ Նիկոլ Փաշինյանի հետ հանդիպման ժամանակ ակնարկել էր իրադարձությունների զարգացման նման տարբերակի մասին։
Ղազինյանը հիշեցրել է, որ ամեն տարի ԱԷԿ-ը կանգնեցվում է կանխարգելիչ աշխատանքների համար, իսկ արևային կայանների հզորությունները բավարար չեն։ «Խնդիր կառաջանա։ Աստված չանի, որ [գինը] բարձրանա։ Մենք չէ՞ որ ասում ենք՝ թույլ ղեկավարը չի կարող ղեկավարել։ Նրան չեն վստահում և լուրջ չեն ընդունում։ Նա հայտարարեց, որ Արցախն Ադրբեջանի մաս է։ Եթե Ռուսաստանում մի քանի անգամ դա ասել են, դու ի՞նչ իրավունք ունես դա ասելու։ Լուծումը մեկն է՝ թույլ ղեկավարը չի կարող բանակցություններ վարել, առավել ևս այս բարդ աշխարհաքաղաքական շրջանում»,- հայտարարել է Ղազինյանը։
Հետևեք մեզ Viber-ում
