Խորթ մոր կողմից կիրառված բռնության հետեւանքով մահացած փոքրիկի քույրը ՀՕՖ-ում է

Խորթ մոր կողմից բռնության հետեւանքով մահացած 1-ամյա երեխայի քույրը մնացել են առանց ծնողների. ոչ հայրը, ոչ մայրը չունեն իրավունքներ փոքրիկի նկատմամբ։

Այս ընթացքում, ինչ 4-ամյա աղջնակը տեղափոխվել է ՀՕՖ, ծնողներից որեւէ մեկը նրան չի տեսակցել։ «Փաստինֆո»-ի հետ զրույցում այդ մասին ասաց ՀՕՖ-ի տնօրեն Միրա Անտոնյանը։

Դարակերտի վարչական ղեկավարը նշեց, որ կենսաբանական հայրը իրավունք չունի երեխային տեսնելու, որովհետև հայրությունը չի ճանաչել ու խնամակալ չէ։

«Մի քանի օր առաջ եմ խոսել քեռու հետ։ Նա ասաց, որ երեխայի մայրը առողջական ինչ-որ խնդիրներ ունի։ Մայրական իրավունքից զրկվել է։ Դրա համար չգիտեմ՝ կարող է երեխային տեսնել, թե ոչ», – ասաց վարչական ղեկավարը։

Հիշեցնենք, որ մարտի 16-ին Արաբկիր բժշկական համալիր էր տեղափոխվել մեկ տարեկան, երկու ամսական երեխա՝ «կլինիկական մահ» ախտորոշմամբ, որի կյանքի համար օրեր շարունակ բժիշկները պայքարում էին, բայց փրկել չհաջողվեց։ Պարզվում է՝ մանկահասակը ամիսներ շարունակ է բռնության ենթարկվեն։ Նրա 4-ամյա քույրը տեղափոխվել է Հայ օգնության ֆոնդի «Երեխաների պաշտպանության կենտրոն», միաժամանակ հետազոտվել «Արաբկիր» ԲԿ։ ՀՕՖ-ից «Փաստինֆո»-ին հայտնել ին, որ աղջիկը եւս ունի թե բժշկական, թե հոգեբանական օգնության կարիք։