Իշխանություններն ամեն ինչ անում են, զզվացնում են, որ արցախցին գնա Հայաստանից․ Ռոբերտ Քոչարյան
Իշխանություններն ամեն ինչ անում են, որպեսզի արցախցիների մեծ մասը Հայաստանում չմնա։ Անում են ամեն ինչ, զզվացնում են, որ մարդ թողնի ու գնա։ Ինչի՞ համար, որովհետև արցախցին կարող է գնա ու իր դեմ քվեարկի։ Հայտարարել է Ռոբերտ Քոչարյանը։
«Չեմ տեսնում, որ հիմա պետությունն արցախցիների բնակարանային ապահովման հարցը դարձրել է քաղաքականության կարևոր մաս։ Մեղավոր է ձեր արտագաղթի համար, ունեզրկման համար, համարյա ոչինչ չեն անում ձեր հարցերը լուծելու համար»,- Հրազդանում քաղաքացիների հետ հանդիպմանն ասել է ՀՀ երկրորդ նախագահը։
Նա նշել է, որ իրենց նպատակն է անպայման այդ հարցը լուծել ոչ միայն սերտիֆիկատների ճանապարհով։ Կարելի է շինարարություն անել, Համահայկական հիմնադրամը գործի դնել։
«Եթե այդ հարցը լինի Հայաստան-Սփյուռք հարաբերությունների կարևոր կետ, 2-3 տարվա հարց է, բայց Սփյուռքի հետ հարաբերություններն այնքան են վատացրել, որ ոչ ոք չի հավատում»։
Հետևեք մեզ Viber-ում
