Նախընտրական աժիոտաժը չի շրջանցել նաեւ «Լուսավոր Հայաստանը». «Հրապարակ»

«Հրապարակ» թերթը գրում է. «Նախընտրական աժիոտաժը չի շրջանցել նաեւ «Լուսավոր Հայաստան» կուսակցությանը։ Մեր տեղեկություններով, Էդմոն Մարուքյանի կուսակցությունը ապրիլի 11-ին է արտահերթ համագումարի, որը տեղի կունենա Երեւանի «Մարիոթ» հյուրանոցի «Տիգրան Մեծ» սրահում, ժամը 12։00-ին։

Օրակարգում ներառված է երկու հիմնական հարց. նախատեսվում է հաստատել ԱԺ 2026 թվականի ընտրություններին կուսակցության ընտրական ցուցակի առաջին 30 թեկնածուին, ինչպես նաեւ՝ ընդունել կուսակցության նախընտրական ծրագիրը։ Ցուցակում տեղ կգտնեն ինչպես ԼՀԿ անդամներ, այնպես էլ հանրային տարբեր ոլորտներում աշխատող անկուսակցականներ, որոնց տեւական ժամանակ հրավիրում են՝ ընտրացուցակում գրանցվելու հայտեր ներկայացնելու։

Բնականաբար, ցուցակը կգլխավորի Էդմոն Մարուքյանը, Դավիթ Խաժակյանը կլինի երկրորդը, իսկ առաջին կնոջ հարցում դեռ վերջնական որոշում չկա, ամենայն հավանականությամբ, նա կլինի ՀԿ սեկտորից։