Դիլիջանում ձախողել են 1 միլիարդ դրամանոց ծրագիրը. Ոսկան Սարգսյան

Դիլիջանում ձախողել են 1 միլիարդ դրամանոց ծրագիրը:

Այս մասին իր Ֆեյսբուքի էջում գրել է լրագրող Ոսկան Սարգսյանը:

Դիլիջան քաղաքի <<Գետափնյա փողոցի ասֆալտապատում և մայթերի վերանորոգում և Մյասնիկյան -Սայաթ-Նովա -Աղստև հատվածի սելավատարի կառուցում» սուբվենցիոն ծրագրի ընդհանուր արժեքը 1 միլիարդ 33 միլիոն դրամ է,որից 620 միլիոն դրամը Դիլիջան համայնքի մասնաբաժինն է, իսկ 413 միլիոն դրամը՝ պետական աջակցության չափը։ 2,4 կմ երկարությամբ փողոցում ասֆալտի մի շերտն են փռել, մյուսը՝ երբ եղանակները լավանան։

Նախագծով նախատեսված է ,որ 2.4 կմ փողոցի ամեն քառակուսի մետրում, ասֆալտապատումից առաջ 20 կգ ցեմենտ պետք է լցվեր, սակայն դա ընդհանրապես չի արվել։

Ծրագրով նախատեսված է անձրևաջրերի․ սելավաջրերի հեռացման համար խողովակների տեղադրում, հիդրոտեխնիկական կաոռւյցների կառուցում։ Նման աշխատանքների դեպքում ծրագիրը պետք է ընդգրկվեր ՀՀ կառավարության 2015թ․մարտի 19- ի N 596-Ն որոշման N 4 հավելվածի N 3 ցանկի 4-րդ կետի 3-րդ ենթակետով սահմանված օբյեկտների ցանկում, որոնք ենթակա են պետական համալիր փորձաքննության։ Սակայն նման փորձաքննություն չի անցկացվել, ծրագիրը 60 տոկոսով իրականացվել է,սակայն իրականացվել է նախագծից հսկայական շեղումներով։ Ծրագրով կատարված գնումների գները խիստ ուռճացած են։

Կառավարության որոշմամբ այդ ծրագրի իրականացումը երկարաձգել են մինչև 2027թ․ հունիսի 30-ը։

Նիկոլ Փաշինյանի իշխանության հեռացումից հետո դիմելու եմ իրավապահ մարմիններին, որ այս խայտառակ ծրագրի վերաբերյալ քննություն իրականացնեն , պետական և համայնքային բյուջեներից տասնյակ միլիոնավոր դրամների մսխումների համար պատասխանատուները օրենքով պատասխանատվության ենթարկվեն։