Ընձառյուծը հոշոտել է 2 երեխայի

The Times of India պարբերականը հայտնում է,որ Հնդկաստանի Մադհյա-Պրադեշ նահանգի Չհինդվարա շրջանում ընձառյուծը 6 ժամում սպանել և կերել է 2 երեխայի։ Կիրակի ցերեկը գիշատիչը հարձակվել է 3 տարեկան աղջկա վրա, ով խաղալիս է եղել տան մոտ։ Նա սպանել է նրան և դին տարել անտառ։ 6 ժամ անց ընձառյուծը հայտնվել է հարևան գյուղում և քարշ տալով տարել 10-ամյա տղայի, ով նստած է եղել հյուղակի առջև։ Կենդանին գործել է արագ և անաղմուկ, այդ իսկ պատճառով ոչ ոք չի նկատել հարձակումը։ Մայրը խուճապ է բարձրացրել այն բանից հետո, երբ բակում արյան հետքեր է նկատել։