ՔՊ-ն այնպես է խոսում խաղաղություն կերտելու մասին, ասես պատերազմներն իրենց օրոք չեն եղել. փաստաբան

Փաստաբան Անուշ Շահրամանյանի ֆեյսբուքյան գրառումը.«Քաղաքացիական պայմանագրի պատգամավորներն այնպես են խոսում խաղաղություն կերտելու մասին, ասես պատերազմներն իրենց օրոք չեն եղել։

«Բա եթե այդքանը գիտեիք, մինչև պատերազմների սկսվելն ու Արցախի կորուստն անեիք։ Եղած պատերազմներից հետո էլ ո՞րն է խաղաղությունը։ Ես գիտեի՝ խաղաղությունը պատերազմը կանխելն է։ Հիմա դուք դա ձախողել եք, բայց ձեզ խաղաղություն բերող եք հռչակել։ Եթե խաղաղությունը չի ծառայել պատերազմը կանխելուն, ապա կորուստներից հետո հաստատված վիճակը «ձեռքբերված խաղաղություն» չէ։ Իսկ ամենասարսափելին այն է, որ լիքը մարդ՝ անգործունակ չճանաչված, միանում է այդ քարոզչությանը։ Ոչինչ, որ այդքան զոհ ենք տվել, ոչինչ, որ մի ամբողջ ժողովուրդ ձեր վարած քաղաքականության պատճառով հալածվել է մի տարի ու ենթարկվել էթնիկ զտման։ Ոչ մեկը դրա համար պատասխանատվություն չի զգում. «ապագա կա», իսկ ինչ եղել է՝ հաշիվ չէ»,- գրել է նա։